Umuyobozi w'Akarere wungirije ushinzwe iterambere ry’ubukungu Bwana UWIHOREYE Patrick yitabiriye inama ya Steering Committee y'umushinga w’ibiribwa birambye kandi byuzuye ku cyicaro gikuru cy’umuryango utabara imbabare Croix Rouge.

Intego y'inama:
1. Kureba aho umushinga ugeze
2. Kumenya no gukemura ibibazo wahuye nabyo
3. Kwemeza gahunda z'umushinga
4. Gutanga icyerekezo cy'umushinga.

Ibiganiro by'ingenzi:
-Gahunda yumushinga mu iterambere:
Abitabiriye amahugurwa basuzumye aho ibikorwa by’umushinga bigeze ubu, bagaragaza ibyagezweho n’ibice bikeneye kunozwa.
-Kwemeza Gahunda yumushinga :
Abitabiriye inama batanze ibitekerezo kugirango banonosore gahunda z'umushinga.
Icyerekezo cyibikorwa :
Abari mu nama bashimangiye akamaro k’ubufatanye hagati y’Uturere kandi ko ari ngombwa guhuza ibitekerezo by’abagenerwabikorwa kugira ngo umusaruro wiyongere.

Abitabiriye inama bemeranije ku bikorwa byihariye byo gukemura ibibazo byagaragaye, gushyiraho ingengabihe y'inama itaha, gushimangira ubufatanye hagati y’inzego za Croix-Rouge n’inzego z’ibanze hagamijwe kurushaho kunoza ibikorwa, gushyira mu bikorwa gahunda y'ibikorwa yatanzwe.

Abitabiriye inama:
- Abayobozi ba Croix-Rouge y'u Rwanda
- Abayobozi ba Croix-Rouge ya Espagne
- Abayobozi bungirije baturutse mu Turere twa Ngororero, Nyagatare, na Muhanga
- Abahagarariye abagenerwabikorwa