Kuri uyu wa 19/11/2020 mu Murenge wa Nyange habereye inama ya JADF Isangano yahuje inzego zitandukanye  n'abafatanyabikorwa bakorera muri uwo Murenge.
Icyari kigamijwe ni uguhuza imbaraga mu kwesa imihigo y'Umurenge, Akagari n'umudugudu Ntangarugero.
Inama yayobowe na Bwana Uwihoreye Patrick V/M FED ari kumwe na Bwana Hakizimana Rwisebura Jacques, Nyiransengimana Donatille(JADF officer. Umurenge wa Nyange wahagarariwe na Bwana Nkurunziza Eliphaz (Etat Civil), abakozi b'Umurenge, ES, SEDO b 'Utugari n'umukuru w'Umudugudu wa Ngobagoba.
Haganiriwe ku mihigo y'Umurenge, Akagari n'Umudugudu, ibikorwa by'abafatanyabikorwa bizafasha kwesa imihigo.
Imwe mu myanzuro yafashwe:
Abafatanyabikorwa bagaragaje umusanzu wabo mu mihigo buri wese mubyo akoramo;

Abafatanyabikorwa bishimiye gahunda yo guhuza abafatanyabikorwa mu Mirenge basaba ko byakorwa mu Mirenge yose y'Akarere;

Biyemeje kurushaho kunoza imikoranire  n'ubuyobozi hirindwa guhurira ku mugenerwabikorwa no gukurikirana imikoreshereze y'inkunga bagenerwa bagakangurirwa kwizigamira no gutanga ubwizigamire muri EJO Heza na Mutuelle de Sante.

Gufasha ingo zitishoboye buri mufatanyabikorwa akagira izo aherekeza (mentorship) azikura mu bukene.

Inama izongera guterana muri Gashyantare 2020.

Hashyizeho Komite yo gukurikirana ibikorwa by'umuhigo w'umudugudu n'Akagari ntangarugero iyobowe na iUwimana Joselyne (Land Manager/Nyange) yungirijwe n'uhagarariye World Vision ikazajya iterana buri kwezi.

Asoza inama
, Vice Mayor FED yashimiye uruhare rw'abafatanyabikorwa mu guharanira guhindura ubuzima bw'Akarere n'Igihugu muri rusange.
Inama yagenze neza cyane kandi ubwitabire bwari bushimishije.