Uyu munsi kuwa 6/10/2020  umuyobozi w'Akarere wungirije ushinzwe iterambere ry'ubukungu Bwana Uwihoreye Patrick yayoboye inama yahuje abafatanyabikorwa RWB, IUCN, SNV na RWARRI/IMBARAGA bose bahuriye ku kubungabunga umugezi wa Sebeya n'ibyogogo byawo.
Ibyaganiriweho:
aho umushinga ugeze n'ibizakorwa muri 2021: Harimo
-  kurwanya isuli kuri hegitari 50,
- gukora amaterasi y'indinganire kuri hegitari 33,
- guha abaturage  amatungo magufi n'amaremare,
- kubaka ibigega by'amazi,
- kubangabunga Sebeya hifashijijwe amakoperative.
Imwe mu myanzuro
- Gufasha abaturage kubona ingemwe z'icyayi
- kurwanya bihagije ubucukuzi bw'amabuye y'agaciro butemewe n'amategeko
- kugenera agahimbazamusyi umuturage uhagarariye abandi.
Bwana Nkundabatware Lazare wari uhagarariye abaturage yifuje ko haramutse habonetse amasoko ajyanye n'umushinga nko gukora pépinières, gutera ibyatsi bifata ubutaka,... bayagiramo uruhare..
Yasubijwe ko bisaba ko baba bibumbiye muri koperative ifite ubuzima gatozi.
Abari mu nama basanze umushinga wa Sebeya ukomeje kugira imbogamizi z'ubucukuzi butemewe n'amategeko  burohamo ibyondo bikangiza umugezi n'isoko yawo.
Vm FED yasabye abitabiriye inama gushyira mu bikorwa imyanzuro yayifatiwemo no gukora ubuvugizi buri wese ku rwego rwe.
 Uyu mushinga Tubungabunge Sebeya ukorera mu turere twa Ngororero, Nyabihu,  Rutsiro na Rubavu.
Mu Karere ka Ngororero ukorera mu murenge wa Muhanda mu tugari twa Bugarura na Rutagara mu midugudu ya Rurambo, Bambiro, Gatomvu na Runayu.
Ufite ingengo y'imali ingana na 347,415,521 frws mu mwaka wa 2020-2021