Kuri iki cyumweru cyo kuwa 3/04/2022 umuyobozi w'Akarere Bwana Nkusi Christophe ari kumwe n' umuyobozi wa Police mu Karere, umunyambanga nshingwabikorwa w'umurenge wa Muhanda n'umuyobozi w'ishami ry'ubuhinzi n'ubworozi yagiranye inama n'aborozi bororera mu nzuri za Gishwati abagezaho amabwiriza yerekeye inzuri, ubutaka n'amashyamba muri Gishwati.
Ni amabwiriza yafatiwe mu nama y'Inama Njyanama y'Akarere yateranye kuwa 11/03/2022.
Arimo ibihano bihabwa abaragira, abatema ibiti, abacukura mine na kariyeri, abatwika amakara n'abasatura imbaho mu mashyamba ya Gishwati.

Aborozi banibukijwe ko bibujijwe gukoresha abashumba bafite munsi y'imyaka 18;
 kororera mu nzuri za Gishwati inka zitari iza kijyambere bibujijwe, hegitari imwe iragirwaho inka zitarenze 2
Banibukijwe kuzitira inzuri no kuzikatamo uduce  (padocs), kugira ikayi yandikwamo amakuru y'amatungo, kugira urupango rufasha gukingira, kugira ingombe z'inyana, kubaka ibiraro n'ubwiherero by'abashumba.
Aborozi bihanangirijwe ko kizira kugemura amata yakamwe inka  yatewe imiti (antibiotics).
Muri iyi nama hanavuzwe igikorwa cyo gupima inzuri kugirango hirindwe uburengerere kandi hitawe ku miterere y'ubutaka (relief). Nyuma yo gupima inzuri bene zo bazahabwa ibyangombwa bishya.
Aborozi bongeye gusaba ko imihanda yo mu nzuri yatunganywa. Aha umuyobozi w'Akarere yababwiye ko ikibazo kizwi kandi ko atazahwema gukora ubuvugizi kugeza igisubizo kibonetse.
.