Mu murenge wa Gatumba hateraniye Inama yunguranye ibitekerezo ku bibazo bibangamiye imibereho myiza y'abaturage, ubuzima, isuku, ubwisungane mu kwivuza, imikorere n'Imikoranire. 
Inama yayobowe n'umuyobozi w'Akarere wungirije ushinzwe imibereho myiza y'abaturage Madame Mukunduhirwe Benjamine.

Nyuma yo kungurana ibitekerezo ku ibaniro byari byateguwe ndetse no kwakira no gusesengura ibibazo n'ibitekerezo by'abari mu nama hafashwe Imyanzuro ikurikira:

- Itariki yanyuma yo kuba buri muturage yamaze kwishyura ubwisungane mu kwivuza ni 31/05/2025 dore ko abaturage bose bagaragaje ko bazaba basoje iki gikorwa bibutswa ko bazishyura hakoreshejwe ikoranabuhanga System Imibereho.
- Abaturage badafite ubwiherero n'abafite ubwubatswe nabi bahawe kugeza kuri 15/06/2025 iki kibazo kizaba karangiye.
- Hagarutswe ku ngamba zo kwirinda Malaria ndetse n'indwara ziterwa n'umwanda hanzurwa ko muri ibi bihe hagomba gukazwa ingamba hagakorwa Umuganda wo gusenya aho imibu itera malaria yakororokera
- Hagaragajwe umubare w'abana batarasubira ku ishuri hanzurwa ko bagomba gushakwa bagasubirayo bitarenze kuwa 10/05/2025.
- Mu rwego rwo Kwirinda ko ibiza byagira uwo bihitana abari mu nama babwiwe kuburira abo baba bazi batuye ahantu hashyira ubuzima bwabo mu Kaga kwimuka byaba ngombwa n'umurenge ukabafasha mu rwego rwo kurinda abaturage .
Aha kandi hafashwe umwanzuro w'uko amasoko n'utubari bigomba gufunga bitarenze saa 17:00 guhera none kugeza 10/05/2025 kugira ngo abantu bajye bataha kare birinda ko imigezi yakuzura ikagira abo itwara 
Hananzuwe ko ahari umugezi abana bambuka bajya cyangwa bava ku ishuri hagomba gushyirwaho ikipe yo gufasha abo bana kwambuka ndetse no gukumira ko haba impanuka zaterwa n'ukuzura k'uwo mugezi.

 
Ku mikorere n'imikoranire inzego zose zasabwe gusangira amakuru mu rwego rwo gufasha umuturage kugera ku isonga. 

Inama yitabiriwe n'bakozi b'umurenge, inzego n'umutekano,urubyiruko, abajyanama b'ubuzima, inamay'Igihugu y'Abagore n'iy'Urubyiruko, abayobozi b'utugari (ES na SEDO), abayobozi b'Imidudugudu n'bayobozi b'ibigo nderabuzima bya Muhororo na Rubona.