Paroisse ya Muramba  imwe mu zigize Akarere ka Ngororero yijihije Yubile y'imyaka 100 imaze ishinzwe.
Ni Paroisse izwiho guteza imbere uburezi bufite ireme by'umwihariko uburezi bw'abana b'abakobwa  bwatangijwe na Musenyeri Aloys Bigirumwami mu 1956 mu mashuli abanza n'ayisumbuye muri iyi Paroisse (ubu yahindutse TTC MURAMBA na CIC Muramba).

Paroisse Muramba ni umufatanyabikorwa ukomeye w'Akarere ka Ngororero mu kubaka ibikorwaremezo bitandukanye birimo amashuli, amavuriro,  imiyoboro y'amazi, imihanda, amashanyarazi, aho kwidagadurira,....
Ibirori byizihijwe na Nyiricyubahiro Musenyeri Anaclet Mwumvaneza ari kumwe na mugenzi we wa Diyosezi ya Kibungo; Umunyamabanga Nshingwabikorwa w'Intara y'Iburengerazuba Madame UWAMBAJEMARIYA Florence, Umuyobozi w'Akarere @cnkusi20, abayobozi b'Inzego z'Umutekano zikorera mu Karere, imbaga y'Abapadiri, abihaye Imana n'Abakristu baturutse hirya no hino mu ma paroisses agize doyenné ya Muramba.
Ashimira uyu mufatanyabikorwa Mayor Nkusi yagarutse ku bufatanye buranga Kiliziya Gatolika mw'iterambere rusesuye ry'abaturage haba ku mubiri haba kuri Roho.
Yagize ati turashima uruhare rwa Kiliziya Gatolika mu kubaka umuryango ushoboye kandi utekanye mu kurwanya amakimbirane akigaragara mu ngo muri iki gihe, mu gusigasira ubumwe n'ubudaheranwa bw'Abanyarwanda...

Umunyamabanga Nshingwabikorwa w'Intara y'Iburengerazuba
yashimiye uruhare rwa Paroisse ya Muramba mu kuzamura imyumvire y'abaturage no kubateza imbere mu bikorwa bigaragarira amaso (imiyoboro y'amazi, amashuli, amavuriro,...)
Yashimiye ubuyobozi bwiza bw'Igihugu cyacu burangajwe imbere na Nyakubahwa Perezida wa Repubulika Paul Kagame bwashyizeho politiki iboneye y'imikoranire hagati ya Sosiyete Civile n'ubutegetsi bwite vwa Leta mu guharanira gushyira umuturage ku isonga.

Musenyeri Mwumvaneza wari umushyitsi mukuru yagize ati ubufatanye hagati ya Kiliziya Gatolika n'ubuyobozi bwite bwa Leta buzakomeza gushinga imizi buharanira umukristu n'umuturage ubereye U Rwanda.