Umufatanyabikorwa  Hinga Weze yamuritse ibikorwa bye mu murenge wa Hindiro birimo amaterasi y'indinganire ari mu kagari ka Gatare. Bakiriwe n'umuyobozi w'Akarere Bwana Nkusi Christophe n'abagenerwabikorwa bahinga mu materasi. Baganiriye ku byagezweho n'uburyo bizabungwabungwa nyuma y'uko umushinga ucyuye igihe. Basobanuye uburyo bakorana n'abagronome, abajyanama b'ubuhinzi. Mayor yashimiye umufatanyabikorwa intambwe yateje abahinzi mu kongera umusaruro. Uwari uyoboye itsinda yishimiye ko abahinzi bashoboye kunoza  imibereho yabo bihaza mu biribwa bakanasagurira isoko.

Incamake y'ibyakozwe mu myaka 4 (2017-2021) umushinga Hinga Weze umaze ukorera mu Karere ka Ngororero:

Uyu mushinga uterwa inkunga na USAID wokoreye mu mirenge ya Muhanda, Muhororo, Kavumu, Sovu na Hindiro. Mu murenge wa Muhanda yubatse amaterasi y'indingaire kuri hegitari 40, muri Muhororo yavuguruye amatersi kuri hegitari 150, Kavumu havuguruwe 50, Hindiro 60 naho Sovu hegitari 50 zabyajwe umusaruro.

Uyu mushinga watanze imbuto z'indobanure z'ibishyimbo bikungahaye ku butare kgs 9.392; imbuto y'ibijumba bikungahaye kuri Vit A ingeri 161,600; imbuto y'ibirayi by'indobanure kgs 13,040 na kgs 640 z'umurama w'imboga.

Hinga Weze yafashije abahinzi kubona isoko, yateye inkunga koperative z'abahinzi borozi biganjemo iz'abagore zahawe inkunga y'inkoko 1500 imwe; wafashije kurengera ibidukikije haterwa ibiti 112,088 byahawe abagenerwabikorwa 11,209 ku buso bwa hegitari 70; hatewe ibiti by'imbuto ziribwa 6,156 birimo avoka 813, inanasi 2,065, amapapaye 413, imyembe 413, indimu 340 n'ibindi...

Hakozwe amatsinda y'imirire myiza 375 ahuza ingo 27,972, hakorwa imirima y'ibikoni y'icyitegererezo 9,864. Hatanzwe inkoko 12,954 zifite agaciro ka 25,908,000 frws zahawe ingo 2,159 zibumbiye mu matsinda mu mirenge ya Muhororo, Hindiro, Muhanda na Sovu.

Imirimo isoza y'uyu mushinga mu karere ka Ngororero yashinzwe icyicaro cyawo mu karere ka Nyabihu.