Umuyobozi w'Akarere Bwana NKUSI Christophe yayoboye inama ya  District Public Private Dialogue (DPPD).
Inama   yunguranye ibitekerezo ku buryo
Urugaga rw'Abikorera rwatera imbere rukaba umusemburo w'iterambere ry'Akarere, ishoramari, guhanga imirimo, ...bityo imibereho myiza y'abaturage ikarushaho gutera imbere n'ubushomeri mu rubyiruko bukagabanuka.

Kubera ko ishoramari rikiri hasi haganiriwe   ku cyateza imbere ubucuruzi, abaturage bakabona amafaranga,  urubyiruko rukabona akazi.

Umuyobozi w'Akarere yaboneyeho gushimira abikorera uruhare rwabo mu gutanga imisoro ifasha Akarere mw'iterambere.
Muri uyu mwaka w'ingengo y'imari 2024-2025 hamaze kwinjira agera kuri 822,796,645 frws kuri 978,481,898 frws ateganijwe
bihwanye na  84%.
Abikorera kandi bagize uruhare mu itangwa ry'imirimo mishya: hamaze gutangwa igera ku 1,210 kuri 1,490 iteganijwe bihwanye na 81% yatanzwe n'urwego rw'abikorera.

Muri iyi nama hanaganiriwe ku ruhare rw'abikorera mu gukemura ibibazo bibangamiye imibereho myiza y'abaturage by'umwihariko kugira isuku n'isukura aho bakorera, kunganira Akarere mu gushakira abaturage aho kuba hatunganye, kurwanya imirire mibi n'igwingira,  kugarura abana mu ishuli, ....
Ibi bibazo bibonewe ibisubizo abikorera babyungukiramo kuko abahura nabyo nibo ba clients babo.
Nyuma y'inama hasinywe amasezerano y'imikoranire  hagati y'Ubuyobozi bw'Akarere n'Urugaga rw'Abikorera.

Iyi nama ihuje  Umuhuzabikorwa wa PSF ku Ntara y'Iburengerazuba,  umuyobozi w'Urugaga rw'Abikorera  mu Karere,
Komite Nyobozi y’Akarere,
Umunyamabanga Nshingwabikorwa w’Akarere,
Umuyobozi w’Imirimo rusange mu Karere,
Inzego z’Umutekano ku Karere,
Abanyamabanga Nshingwabikorwa b’Imirenge,
Komite Nyobozi ya PSF n’abahagarariye amahuriro ya PSF mu Karere,
Komite Nyobozi za PSF ku rwego rw’Imirenge,
Abakozi b’Ishami rya BDE Unit na Manager wa PSF ku Karere,
Umuyobozi w’Ishami ry’Igenamigambi
n'Umuyobozi w’Ishami ry’Ubuzima mu Karere.