Itsinda ry'abanyamakuru baturutse mu bitangazamakuru bitandukanye byaba ibya Leta n'ibyigenga basuye Akarere ka Ngororero bagamije kureba uko ibikorwa byakozwe n'umushinga PRISM bihagaze n'akamaro bifitiye ababihawe.

Batangiriye ku isoko ry'amatungo magufi ryubatswe mu murenge wa Kabaya, iri soko rikaba rimaze imyaka irenga ibiri rikoreshwa neza kandi abarigana bagaragaje ko ribafitiye akamaro kuko ryaborohereje urugendo bakoraga bajyana amatungo mu isoko mbere y'uko iri ryubakwa

Abaremye isoko kandi bagaragaje ko kuba barabonye isoko ry'amatungo magufi byagabanyije ubujura bw'amatungo kuko iri soko rifite uruzitiro.

Bakomereje ku biro by'Akarere aho bakiriwe n'Umuyobozi w'Akarere w'ungirije ushinzwe iterambere ry'imibereho myiza y'abaturage Madame MUKUNDUHIRWE Benjamime.

Uyu muyobozi yagaragarije abanyamakuru uburyo amatungo atangwa na PRISM ( Inkoko, ingurube n'ihene) mu karere ka Ngororero afite uruhare runini mu kuzamura ubukungu bwabaturage  no kurwanya imirire mibi n'igwingira mu bana bato

Umuyobozi yakomeje ashimira gahunda nziza yo kwitura ikorwa mu mushinga PRISM kuko ifasha mu kugera ku miryango myinshi kandi vuba.

Yakomeje ashimira ibikorwa remezo harimo isoko ry'amatungo magufi ndetse na Veterinary clinic byubatswe n'umushinga ndetse asezeranya ko k'ubufatanye n'inzego bwite za Leta bizakomeza kubungwabungwa no kubyazwa umusaruro

Umuyobozi yakomeje gushima Partnership PRISM ifitanye n'inzego z'ubuyobozi haba mu guhitamo aho gukorera ndetse no gutoranya abagenerwa b'ikorwa bafashwa cyane cyane muri gahunda ya Graduation.