Umuyobozi w'Akarere Bwana NKUSI Christophe ari kumwe n'Umuyobozi w'Akarere wungirije ushinzwe iterambere ry'imibereho myiza y'abaturage Madamu Mukunduhirwe Benjamine yayoboye inama y'uburezi yaguye  yasuzumye ingingo zikurikira:

1. Ishyirwa mu bikorwa ry'imyanzuro y'inama y'uburezi iheruka;
2. Umusaruro w'igihembwe cya 2  cy'umwaka  w'amashuli 2025 ku bizamini 6 byateguwe n'Akarere bigaruka mu bizamini bya Leta; 
3. Isuzumabushobozi ryakorewe abayobozi b'ibigo by'amashuli;
4. Ubugenzuzi butandukanye bwakozwe mu mashuli (isuku n'isukura, school feeding...)
5. Amabwiriza ya REB yerekeye discipline mu mashuli;
6. Imikoreshereze ya  CAMIS (Comprehensive Assessment Management Information System) na SDMIS (School Data Management Information System).
Ku bijyanye n'umusaruro wavuye mu gihembwe cya 2/2025 mu mashuli abanza byagaragaye ko ibigo byigenga 5 biza ku mwanya wa mbere birangajwe imbere na Gs St Nicolas ya Paroisse ya Rususa.
Mu cyiciro rusange habajijwe amasomo 12 batsinda kuri 37%. Uyu musaruro wagawe by'umwihariko n'ubuyobozi bw'Akarere aho Meya Nkusi yavuze ko impinduka zigomba kugaragara mu maguru mashya.
Mu mbogamizi zagaragajwe zituma abalimu badatanga umusaruro harimo:
- ubushobozi budahagije bwa bamwe mu balimu;
- kutamenya neza ururimi rw'icyongereza kuri bamwe mu balimu kandi ari rwo rutangwamo amasomo (learning language);
- imicungire idahwitse kuri bamwe mu bayobozi b'ibigo by'amashuli (itonesha, kwanga kwiteranya, kudakora suivie na evaluation,...);
- ubucucike bukiriho muri amwe mu mashuli;
- kutaba mu kazi kwa bamwe mu bayobozi b'amashuli n'abalimu,....
Abari mu nama bunguranye ibitekerezo ku buryo izi mbogamizi zavaho bityo ireme ry'uburezi rikarushaho gusugira.
Inama yahuje abakozi bo mw'ishami ry'uburezi, abayobozi b'Inzego z'Umutekano zikorera mu Karere, Abanyamabanga Nshingwabikorwa b'Imirenge, ba nyir'ibigo bifitanye amasezerano na Leta, abayobozi b'amadini n'amatorero, abayobozi b'ibigo by'amashuli abanza,  ayisumbuye, ay'imyuga n'ay'ubumenyingiro.