Abagize Komite Nyobozi nshya y'Akarere ka Ngororero barahiriye  kuzatunganya imirimo bahamagariwe
Ni Mayor Bwana NKUSI Christophe, VM/FED  Bwana UWIHOREYE Patrick na VM/ASOC Madame MUKUNDUHIRWE Benjamine
Indahiro zabo zakiriwe na President w'Urukiko Rwisumbuye rwa Rubavu.
Umushyitsi mukuru muri uyu muhango yari  Minister ushinzwe ibikorwa by'ubutabazi akaba n'imboni y'Akarere  ka Ngororero muri Guverinoma Hon. Kayisire Marie Solange. 

Hari kandi ES w'Intara y'Iburengerazuba Madame Uwambajemariya Florence, Security Organs ku rwego rw'Intara n'Akarere, abajyanama bagize Inama Njyanama  y'Akarere,  Abanyamabanga nshingwabikorwa b'imirenge n'abayobozi b'amashami mu Karere.

Umuyobozi  w'Akarere Bwana Nkusi Christophe yashimiye uwamubanjirije imirimo ikomeye yakoze, avuga ko azarangwa na team work spirit, gukemura ibibazo by'abaturage, guharanira iterambere ry'Akarere no guhoza umuturage kw'isonga.
Mu mpanuro yahaye Komite Nyobozi nshya Hon. Minister Kayisire yavuze ko  nta rwitwazo ruzabaho kuko team izafasha Komite  Nyobozi igizwe n'abantu bashoboye ndetse n'uburyo bukaba buhari. Yagize ati: "izi ni  imbaraga zizatuma umusaruro wifuzwa ugerwaho".
Yabasabye gukora ibishoboka byose NST1 igashyirwa mu bikorwa iterambere ryemerewe abaturage rikabageraho.

IRAHIRA RYA KOMITE NYOBOZI NSHYA Y'AKARERE KA NGORORERO: AMAFOTO