Ni umwe mu myanzuro yafatiwe mu nama  yo gutegura igihembwe cy'ihinga 2022A yateranye kuri uyu wa 30/07/2021.
Yabowe na Bwana Ntazinda Rongin, Umuyobozi w'Ishami ry'Ubuhinzi n'umutungo kamere, yitabirwa n'abakozi ku Karere no ku Murenge bafite ubuhinzi mu nshingano, abacuruzi b'inyongeramusaruro n'Intumwa za RAB.

Nyuma yo kungurana ibitekerezo ku miterere y'ubuhinzi muri iki gihe n'uburyo imihigo ijyanye nabwo yeshejewe ku bipimo bisihimishije hafashwe imyanzuro ikurikira;
1. Gukora inama yo gutegura  igihembwe cy'ihinga 2022A ku rwego rw'Umurenge ku gihe
2. Gushishikariza abahinzi kwiyandikisha muri smart nkunganire system kugira ngo bazabashe kubona inyongeramusaruro zunganiwe na Leta  
3.Gukora ubukangurambaga bwimbitse kuri gahunda yo guhuza ubutaka, hahingwa ibihingwa byatoranijwe
4. Gukora ubukangurambaga kuri  gahunda yo gukoresha inyongeramusaruro (imbuto z'indobanure zatuburiwe mu gihugu ndetse n'amafumbire y' imborera n'imvaruganda)
5. Gushyira mu bikorwa gahunda ya Twigire muhinzi hibandwa ku gushyira abahinzi mu matsinda, gutegura amahugurwa y'abajyanama b'ubuhinzi n'abafashamyumvire no gushyiraho imirima ntangarugero
6. Gukangura abahinzi kwitabira ubwishingizi bw'ibihingwa
7. Gukora ubukangurambaga kuri gahunda yo kuvugurura urutoki no kurwanya kirabiranya
8. Gukangurira abahinzi ibikorwa byo kurwanya isuri.

Mu karere hose abahinzi barimo gutegura igihembwe batunganya imirima banateganya amafumbire mvaruganda n'imborera