World Vision Tunga Cluster yiteguye gukomeza ubufatanye n'akarere ka Ngororero mw'iterambere.
Byatangajwe mu mwiherero uramara iminsi 2 uhuje World Vision, abafatanyabikorwa bayo n'abayobizi b'amashami mu Karere. Nk'uko byatangarijwe n'umuyobozi wa World Vision Tunga Cluster uyu mufatanyabikorwa azakomeza ibikorwa biteza imbere Akarere by'umwihariko mu kurengera uburenganzira bw'umwana, kumurinda ihohoterwa no guharanira ubusugire n'iterambere ry'umuryango. Umwiherero watangijwe n'umuyobozi w'Akarere Bwana Ndayambaje Godefroid washimiye Word Vison Tunga Cluster uruhare rwayo mw'iterambere ry'Akarere by'umwihariko mu mirenge ya Nyange na Matyazo.
Mayor Ndayambaje yasabye ko mw'igenamigambi ririmo rikorwa ku bufatanye n'Akarere urwo ruhare rwarushaho kugaragara  mu buzima:nko mu kigo nderabuzima cya Nyange B hakenewe inzu y'ababyeyi, hari postes da santé zashakirwa ibikoresho, hari kandi gukomeza kwagura igikorwa cya Hands washing mu bigo by'amashuli n'ahandi zikenewe mu rwego rwo kwirinda Covid-19. Mu miyoborere myiza umuyobozi w'Akarere yavuze ko hari inyubako z'utugari zidatunganye World Vision ikaba yagira uruhare mu kuzivugurura.
World  Vision ikorera mu turere 29/30
Ibikorwa byayo bishingiye ku mwana  by'umwihariko utishoboye mu buzima, mu burezi no mu mibereho ye ya buri munsi izira imirire mibi n'isuku nkeya.
Inama yakozwe hubahirizwa amabwiriza yo kwirinda Covid-19.