kuri uyu wa 12/03/2025 Umuyobozi w’Akarere wungirije  ushinzwe iterambere ry'ubukungu Bwana Patrick UWIHOREYE.yitabiriye amahugurwa yiminsi 2 ku mushinga wo guhangana n’imihindagurikire y’ikirere. 
Aya mahugurwa yari agamije kongera ubushobozi bw’abayobozi b’inzego z’ibanze bwo gushyira mu bikorwa politiki n’ibikorwa birwanya ihumana ry’ikirere mu Turere hagamijwe kumva akamaro ko guhangana n’imihindagurikire y’ikirere mu iterambere ry’inzego z’ibanze; gusangira imikorere myiza n’ubunararibonye mu guhangana n’imihindagurikire y’ikirere; kugabanya no gushyiraho gahunda zifatika zo kwinjiza ibikorwa byo kurengera ikirere mu ngamba z’iterambere ry’Akarere.

Iby’ingenzi byaranze amahugurwa:
 -Gushyiraho Ingamba zihamye zo kurwanya ihumana ry’ikirere
- Kumenyekanisha uduce twibasirwa n’ingaruka z’imihindagurikire y’ikirere  mu Turere 
 - Uruhare rw’abaturage mu gutegura gahunda yo guhangana n’imihindagurikire y'ikirere.
 - Ibikorwa remezo bitangiza ikirere.
  - Gukorehsa ingufu zisubira (renewable energy) mu kugabanya ibyuka bihumanya ikirere nka carbone
  - Imikorere irambye y’ubuhinzi bukumira imyuka ihumanya ikirere.
  - Akamaro ko gucunga imyanda hirindwa guhumanya ikirere.

 - Ubufatanye hagati y'Uturere, imiryango itegamiye kuri Leta, n'imiryango mpuzamahanga mu gahangana n’ihumanywa ry’ikirere
 -  Ubufatanye bwa Leta n’abikorera mu gutera inkunga imishinga igamije kubungabunga ikirere 
- Gushyiraho ibipimo byo gusuzuma imikorere y’imihindagurikire y’ikirere.
- gukusanya amakuru no gusesengura mu gushyiraho politiki irambye yo kurengera ikirere
- Buri Karere kagomba kugira gahunda y'ibikorwa byo kubungabunga ikirere, bikubiyemo ingamba zaganiriweho muri aya mahugurw
- Gushyiraho  urubuga rwo gusangira amakuru n’udushya mu kurengera ikirere mu Turere.
- Gushyiraho gahunda y’inama kugirango hakurikiranywe imiterer y’intambwe zatewe mu gukemura ibibazo.
Amahugurwa yashojwe hashyirwaho urubuga rw’abayobozi  n’abakozi bashinzwe ibidukikije  hagamijwe kugirana ibiganiro bifatika ku bijyanye n’imihindagurikire y’ikirere no gushyira mu bikorwa ingamba zo gukemura ibibazo by’ihumana ry’ikirere hagamijwe iterambere rirambye rizira ihumana ry’ikirere.