Kuri uyu mugoroba wo kuwa 16/10/2025  umuyobozi w'Akarere Bwana Nkusi Christophe ari kumwe n'Umuvunyi Mukuru wungirije ushinzwe gukumira no kurwanya Akarengane Madamu Yankurije Odette n'Umuyobozi Mukuru muri Minisiteri y'Ubutegetsi bw'Igihugu ushinzwe  inzego zegerejwe abaturage Madamu Mugire Esther yayoboye inama yo kurebera hamwe ibyavuye mu ruzinduko rw' icyumweru urwego rw'umuvunyi rwakoreye mu mirenge igize Akarere ka Ngororero.
Abari mu nama babanje kurebera hamwe aho ibibazo 7 abaturage bagejeje ku rwego rw'Umuvunyi narwo rukabyohereza mu Karere ngo bishakirwe ibisubizo bigeze bishakirwa ibisubizo. 
Nyuma abari mu nama barebeye hamwe icyegeranyo cy'ibyavuye mu cyumweru cyahariwe ibikorwa by'urwego rw'umuvunyi. 
Nk'uko byavuzwe n'urwego rw'umuvunyi abaturage 
bitabiriye iki cyumweru ari benshi; habajijwe ibibazo 255 ibyahawe umurongo ni 105;  143 bisigirwa inzego z'Akarere n'abafatanyabikorwa bako;  7 bizakurikiranywa n'urwego rw'umuvunyi kugeza birangiye harimo 5 biherereye mu tundi Turere. 
Nk'uko byavuzwe n'urwego rw'Umuvunyi ishusho rusange y'ibibazo byabajijwe bishingiye ku:
-  makimbirane mu miryango akomoka ku buharike n'ubushoreke; 
- ubutaka 
- ingurane ku mitungo yatwawe n'ibikorwa by'inyungu rusange.
Inama yitabiriwe , umujyanama muby'amategeko wa Guverineri w'Intara y'Iburengerazuba, abayobozi b'Inzego z'Umutekano zikorera mu Karere, bamwe mu bafatanyabikorwa b'Akarere, Umujyanama mu nama Njyanama y'Akarere uyobora Komisiyo y'imibereho myiza y'abaturage, Abanyamabanga Nshingwabikorwa b'Imirenge n'abayobozi b'amashami.