Kuwa 31/8/2021   habaye igikorwa cyo gusuzuma Imikorere y’urwego rukuriye ubuzima mu Karere District Health Management Team( DHMT)
Igikorwa  cyatangijwe na VM/ASOC Mme Mukunduhirwe Benjamine akaba ari nawe muyobozi wa DHMT Yashimiye abagize urwego rwa DHMT umuhate  bagira mu gushakira hamwe  icyateza imbere ubuzima bw’abaturage.

Igikorwa cyakozwe kikanakurikiranwa  na  Bwana Blaise HABIMANA Technical Advisor muri USAID/Ingobyi Activity kitabiriwe n’abagize urwego rwa DHMT.
 Muri iri suzuma umurenge wa Nyange wagaragaje ibishya byakozwe mu kubungabunga ubuzima bw’abaturage harimo gahunda ya "Tubakarabye bacye" n "’Igitondo cy’isuku" hagamijwe kurinda abaturage indwara ziterwa n’umwanda ndetse no kurwanya imirire mibi n’igwingira.

Ikigo Nderabuzima cya Nyange B cyagaragaje  gahunda ya "Noza umurimo utange ubuzima".Iyi gahunda ishyirwamubikorwa hifashishijwe ikoranabuhanga igamije kwihutisha service ku bagama ivuriro, imicungire y’abakozi, kuzamura umutungo w’ikigo, kwirinda icyorezo cya COVID-19,....Izi gahunda zose zasobanuwe mu buryo bwimbitse.
Habayeho kandi gusuzuma imikorere nyirizina ya DHMT hibandwa ku nshingano z’urwo rwego.

Isuzuma ryasanze  DHMT ikwiriye amanota  87%.
VM/ASOC yashimiye  uruhare rwa buri wese mu gutuma aya manota 87% agerwaho ashimira n’uwasuzumye inama ze no gukurikirana bya hafi  DHMT y’Akarere Ka Ngororero kuko muri 2019 kari kuri 22%.
VM/ASOC Mukunduhirwe yasoje asaba abitabiriye igikorwa gukomeza kurangwa n’ubufatanye, guhanga ibishya hagamije  guteza imbere urwego rw’ubuzima ndetse no gukomeza kwishakamo ibisubizo nk’urwego rukuriye ubuzima mu Karere  no guharanira kudasubira inyuma.