Kuri uyu wa 3/09/2021 Urubyuruko rw'abakorerabushake bahagarariye abandi mu mirenge 13 bari kumwe n'intumwa z'Akarere zo mw'ishami ry'imiyoborere  myiza zari ziyobowe na Madame Mukantabana Odette ushinzwe Itorero ry'igihugu n'ibikorwa y'Ubumwe n'Ubwiyunge rwasuye urwibutso rwa jenoside yakorewe abatutsi rwa Nyange runaremera umubyeyi warokotse Jenoside.
Urubyiruko rwaje kwibonera  ko imbaraga zikoreshejwe nabi zisenya ariko urubyiruko rw'iki gihe rukaba ari  imbaraga zubaka.

Biyemeje ko bagiye gukaza umurego mu  kunyomoza abahakana n'abapfobya Jenoside yakorewe abatutsi. Urubyuryko rwahamije ko gusura urwibutso byatumye barushaho kumenya amateka no gufata ingamba zo kubaka igihugu kizira amacakubiri n'ingengabitekerezo ya jenoside. Rwaje no gushyikiriza  inka umubyeyi Mukamakuza Floride wo mu kagari ka Nsibo umudugudu wa Nyarusange warokotse jenoside yakorewe abatutsi.

Ni imbamutima nyinshi uyu mubyeyi yagize ati: "ndashimira urubyiryko n'Igihugu cyababyaye n'ubuyobozi bwiza bw'Igihugu buzirikana abatishoboye."

Urwibutso rwa Nyange ruri mu cyahoze ari komini Kivumu . Aho rwubatse hahoze Kiliziya ya Paroisse Nyange yiciwemo inzirakarengane zirenga 2000 zari zayihungiyemo. Ku mabwiriza yatanzwe na Padiri Seromba wayoboraga iyi paroisse bishwe basenyeweho Kiliziya hifashishijwe imashini ya kateripirali yakoraga ku muhandaGitarama-Kibuye.

Ubu uru rwibutso rushyinguyemo inzirakarengane zirenga7,800.