Akarere ka Ngororero gatewe ishema no kuba gafite urubyiruko rw'abakorerabushake rwahagurukiye kugira uruhare mu gushakira ibisubizo ibibazo bibangamiye imibereho myiza y'abaturage. (Human Security lssues).

Mu guha agaciro ibikorwa by'uru rubyiruko hateguwe umuganda wo gutangiza ukwezi k'ubukorerabushake maze ku rwego rw'igihugu ukorerwa mu karere ka Ngororero mu murenge wa Kabaya mu kagari ka Nyenyeri. Hakozwe imirwanyasuri ku buso bungana na hegitari 7,5, hubakwa umurima w'igikoni hanasurwa irerero maze abana bagaburirwa indyo yuzuye.

Ibi bikorwa byitabiriwe na Bwana Kubana Richard Umuyobozi Mukuru muri Minisiteri y'Ubutegetsi bw'Igihugu ushinzwe Urubyiruko rw'Abakorerabushake mu gukumira no kurwanya ibyaha mu Rwanda. Hari kandi umuyobozi w'Akarere Bwana Nkusi Christophe, abaybozi b'Akarere bungirije bombi n'inzego z'umutakano.

Urubyiruko rw'abasore n'inkumi b'abakorerabushake bari babukereye ari benshi maze ibikorwa byabo birivugira:

Umuhuzabikorwa w`Urubyiruko rw'Abakorerabushake mu Karere ka Ngororero Bwana Abdul Majiji Ntawuruhunga yagaragaje ibyo bakoze mu mu mezi 2 gusa y'gihembwe cya 1 (Nyakanga-Kanama) / 2022-2023 bitanga icyizere ko Akarere ka Ngororero gafite icyerekezo gihamye.

1. Hubatswe Inzu: 1

2.Hashijwe ibibanza: 14

3. Hasanywe amazu: 11

4.Hakurungiwe amazu: 18

5. Habumbwe amatafari: 4613

6.Hubatswe ubwiherero: 82

7.  Hari kubakwa: 98

8. hakozwe imirima y’igikoni: 889

9. Harwanijwe isuri kuri hegitari 4

10. Hakozwe n’Ubukanguramba ku kurwanya: ibyaha, inda zitateganyijwe, amakimbirame mu miryango, kuva mw'ishuri kw'abana,  imirire mibi hanasurwa amarerero Hakozwe ubukangurambaga buhamagarira abaturage siporo rusange mu miremge yose . Umuganda utangiza ukwezi k'ubukorerabushake (1-31/10/2022) ufite insanganyamatsiko igira iti" URUBYIRUKO TWIYEMEJE KUBA URUGERO RW'IBISHIBOKA MW'ITERAMBERE".

Uku gutangiza ukwezi k'ubukorerabushake kwahuje n'umunsi mukuru wo gukunda Igihugu. Umuyobozi w'Akarere ka Ngororero bwana Nkusi Christophe yibukije urubyiruko ubwitange bwaranze abana b'u Rwanda batangije urugamba rwo kubohora u Rwanda bakemera guhara ubuzima bwabo maze abasaba kugera ikirenge mu cyabo.

Umuyobozi mukuru muri Minisiteri y'Ubutegetsi bw'Igihugu ushinzwe Urubyiruko rw'abakorerabushake mu gukumira no kurwanya ibyaha mu Rwanda Bwana Kubana Richard yashimye ibikorwa urubyiruko rw'abakorerabushake bamaze kugeraho n'ibigamijwe gukorwa abasaba gukomeza guhora ari ba " mugabwambere" mu kugira uruhare rukomeye mu gukemura ibibazo bibangamiye imibereho myiza y'abaturage.