.Umuyobozi w'Akarere wungirije ushinzwe imibereho myiza y'abaturage yayoboye inama ngarukagihembwe ijyanye no kurwanya imirire mibi n'igwingira no kuzamura imibereho myiza y'umwana muri rusange (District Plan to Eliminate Malnutrition- CD).
Atangiza iyi nama Visi meya Mukunduhirwe yagize ati :"Kurwanya imirire mibi n'igwingira biri mu bikorwa 5 by'ingenzi bigomba kwitabwaho mu gihugu cyacu.
Raporo ya DHS  yo muri 2020 yagaragaje ko Akarere ka Ngororero kari gafite 50,5% by'abana bafite igwingira naho raporo yo mu cyumweru cyahariwe ubuzima bw'umubyeyi n'umwana (MCH) yo muri Mutarama 2025 yagaragaje ko kugwingira kw'abana byari kuri 21,7%. Nubwo twateye intambwe igaragara muri uru rwego inzira iracyari ndende kandi intego ni uko mu Karere kacu hataboneka umwana ugwingiye. Ku bufatanye bwa twese iyi ntego tuzayigeraho. Umwana utagwingiye ishema ryanjye"
Abitabiriye inama barungurana ibitekerezo ku ishusho y'uko Akarere gahagaze mu kurwanya imirire mibi n'igwingira; uruhare rw' umuganda professional mu kurwanya imirire mibi n'igwingira; ibyavuye mu igenzura ry'ingo mbonezamikurire no mu marerero.
Inama yitabiriwe na bamwe mu bafatanyabikorwa barimo AEE, WORLD VISION, CARITAS NYUNDO na RIC. 
Yitabiriwe kandi na President wa JADF Isangano Padiri RUTAKISHA Jean Paul, abayobozi b'Inzego z'Umutekano zikorera mu Karere, abayobozi b'ibitaro bya Muhororo na Kabaya, Abanyamabanga Nshingwabikorwa b’imirenge, abayobozi b'ibigo nderabuzima; abashinzwe ubuzima, isuku n'isukura  mu murenge, abashinzwe imirire mu bitaro no mu bigo nderabuzima, abayobozi b'amashami, abahagarariye PSF, CNF, CNJ na NCPD n'abakozi bo mu shami ry'ubuzima.
Muri iyi nama umuyobozi wa Caritas Nyundo/Gisenyi Padiri RUTAKISHA Jean Paul avuze ko bazita ku kubaka kuri ECDs. ubwiherero bujyanye n'igihe kandi bufite kandagirukarabe.
Imwe mu myanzuro yafashwe:
- mu minsi 12 imirenge igomba kuba yatanze raporo ku bana bakiri mu mirire mibi;
- mu kwezi kwa 9 ibibazo biri mu ma ECDs yose bigomba kujya ahagaragara bigashakirwa ibusubizo mu maguru mashya;
- kubera umwanda ukiboneka mu ma ECDs amwe n'amwe hagomba gukorwa umuganda wihariye buri wa 2 na buri wa 4 mu gitondo cy'isuku;
- kubahiriza gahunda y'igicumbi cy'imikurire y'umwana.