Byatangajwe mu nama yahuje Ubuyobozi bw'Akarere n'itsinda riyobowe na Bwana Joseph NDAGIJIMANA ryaturutse muri WASAC GROUP LTD ryasuye Akarere ka Ngororero kuri uyu wa 6/03/2024. Itsinda ryakiriwe n’Umuyobozo w’Akarere w’ungirije ushinzwe iterambere ry’ubukungu bwana UWIHOREYE Patrick.

Iyi nama yateranye mu rwego rwo kureba niba uyu muyoboro  "Ngororero Water Supply" warakozwe neza nk'uko byari biteganijwe, niba nta bibazo byaba bijyanye nawo, bityo ukazatahwa nta nkomyi. Igikorwa cyo kuwutaha giteganijwe mu cyumweru cyahariwe amazi kizabanziriza Umunsi mpuzamahanga whariwe amazi uteganijwe muri uku kwazi kwa Werurwe 2025.

Inama yibanze ku ngingo eshatu:

1.Abaturage bangirijwe n’ikorwa ry’uyu muyoboro w’amazi wavuzwe haruguru batarishyurwa, abagaragaza ko batabariwe, abaturage batujuje ibyangombwa no gusuzuma amafishi yagaragajwe ko abitswe mu tugari.

2.Imikorere y’uyu muyoboro w’amazi wubatswe.

3.Ubutaka bwaguzwe WASAC isaba ko buyandikwaho. 

Nyuma yo kungurana ibitekerezo, abitabiriye inama batanze ibitekerezo uburyo ibi bibazo byose byakemuka.

Ingingo ya 1. Abaturage bangirijwe n’ikorwa ry’uyu muyoboro w’amazi wavuzwe haruguru batarishyurwa, abagaragaza ko batabariwe, abaturage batujuje ibyangombwa no gusuzuma amafishi yagaragajwe ko abitswe mu tugari.

Kuri iyi ngingo byagaragaye ko hari impamvu zitandukanye zo kuba hari abaturage batarishyurwa: nk'uko byagaragajwe  hari abaturage bataratanga ibyangombwa bisabwa kugira ngo babashe kwishyurwa ingurane ikwiye ku mitungo yabo yangijwe (icyangobwa cy’umutungo/indangamuntu/ konte), amafishi abitse ku biro by’akagari akaba asabwa ko asinyishwa agahuzwa n’inyandiko za ngombwa kugira ngo banyirayo babashe kwishyurwa. 

Kuri iyi ngingo abitabiriye inama basanze hakenewe itsinda rigizwe n’umukozi w’igenagaciro, WASAC GROUP Ltd, Akarere kugira ngo hasurwe utugari twose twakorewemo uyu mushinga cyane cyane ahagaragaye ko hakiri ikibazo cy’igenagaciro, aho n’abaturage batarasinya ku mafishi babariwe ari ku kagari bakazahura n’iritsinda bitwaje ibisabwa byose (icyangobwa cy’umutungo/indangamuntu/ konti ); abo bizagaragara ko batabariwe nabo bagakorerwa amafishi y’imitungo yabo. 

Amafishi afitwe n’umugengaciro kuko atari yujuje ibisabwa kugira ngo yishyurwe nayo azakosorwa kugira ngo yuzuze ibisabwa ba nyirayo babashe guhabwa ingurane ikwiye. 

Abari mu nama bemeje ko iki gikorwa kizakorwa guhera 10.03.2025 kugeza kuwa gatatu tariki 12.03.2025.

Ingingo ya 2: Imikorere y’uyu muyoboro w’amazi w’ubatswe.

Visi Meya Uwihoreye yagaragaje ko abaturage bishimira serivise y’amazi uyu mushinga wagejeje ku Karere ka Ngororero.Umushinga Gusa bari mu nama batangarijwe ko itsinda rya WASAC ishami rya Ngororero barimo gukorana na rwiyemezamirimo wubatse uyu mushinga kugira ngo ibibazo bito bigaragara  bikemurwe mu gihe cya guarantee, bityo umuyobozi w’iri shami yizeza ko arimo gukurikirana buri kimwe n’aho umushimga utageze kuko bitari biteganyijwe kandi hari ikibazo cy’amazi, arimo kubikurikirana kugira ngo naho azahagezwe.

Ingingo ya 3: Ubutaka bwatanzweho ingurane na WASAC GROUP LTD isaba ko buyandikwa kuri leta.

Kuri iyi ngingo, nyuma y’uko abitabiriye inama bagaragarijwe ko hari ubutaka bwishyuwe bityo bikaba bikenewe ko bwandikwa kuri WASAC mu rwego rwo kugaragaza umutungo utimukanwa wishyuwe na leta, hagaragajwe ibikenewe kugira ngo umutungo wandikwe kuri Leta uvuye ku muturage, aha itsinda ryasabye ko ubutaka bwose bukenewe kwandikwa kuri Leta bwajya ahagaragara. WASAC GROUP LTD yasabwe kwegeranya ibikenewe byose bityo bigashyikirizwa ibiro by’ubutaka mu Karere ka Ngororero kugira ngo byandikwe: (Ikigaragaza ko umuturage yishyuwe, ifishi igaragaza ibipimo + CD iriho ibipimo, umwanzuro w'Inama Njyanama wemejwe n’Intara, ifishi yabariweho ibyo umuturgae yishyuwe (original), raporo y’ipimwa ry’ubutaka).

Uyu muyoboro ufite uburebure bwa kilometero 190 uzageza amazi meza ku baturage 107,000 bo mu bice by'imirenge ya Muhanda, Kavumu, Kageyo,Ngororero,Kabaya na Sovu.