Byavugiwe mu nama yo kumenyekanisha umushinga wo guteza imbere ubworozi bw'amatungo magufi n'ibiyakomokaho (PRISM-IFAD).
Akarere ka Ngororero kari mu turere 15 umushinga uzakoreramo mu gihe cy'imyaka 5.
Ni uturere duherereye kuri Crete Congo Nil tubonekamo ubutaka busharira n'imirire mibi ikurura igwingira.

Vm FED Bwana Uwihoreye Patrick yavuze ko Akarere kazakora ibyo gasabwa byose kugirango unushinga ugere ku ntego zawo.
Uhagarariye umushinga PRISM yavuze ko uje wunganira gahunda ya Girinka mu kurwanya imirire mibi. Bahisemo amatungo magufi kuko yororoka vuba kandi akaba adasaba imbaraga nyinshi nk'amatungo maremare.
Intego rusange y'umushinga ngo ni ukurwanya ubukene binyuze mu guha ubushobozi abagabo, abagore n'urubyiruko bwatuma bagira uruharemw'iterambere ry'ubworozi, bakihaza mu bitibwa no guteza imbere ubukungu.
PRISM izanafasha urubyiruko kwiteza imbere ubaha ingurube  n'inkoko binyuze mu matsinda.
Mu Karere ka Ngororero izubaka isoko ry'amatungo n'amavuriro yazo 2. Izatanga n'amahugurwa ku bagenerwabikorwa.

Biteganijwe ko umushinga PRISM uzafasha imiryango ikennye 26,355 yo mu kiciro cya 1 n'icya2  cy'ubudehe mu turere 15 uzakoreramo.

Uzatannga ingurube 25,000; intama 10,125; ihene 13,163 n' inkoko 337,500
Inyungu zitegerejwe kuri uyu mushinga
1. Umusaruro w'ubuhinzi n'ubworozi uziyongera kubera ifumbire
2. Umusaruro w'inyama n'amagi uziyongera
3. Imirire mibi izagabanuka.
Abaveterineri basabwe kwita by'umwihariko kw'ishyirwamubikorwa by'uyu mushinga. Aborozi nabo basabwe gufata neza amatungo bazahabwa.

Inama yitabiriwe na Komite Nyobozi y'Akarere, inzego z'umutekano
abakozi ba RAB, ab'ikigo cya IFAD, abanyamabanga nshingwabikorwa b'imirenge, abaveterineri, aborozi, ibigo by'imali, abayobozi b'amashami mu Karere ka Ngororero