Kuwa  27/06/2020, Umuyobozi w'Akarere wungirije ushinzwe imibereho myiza y'abaturage Madamu Mukunduhirwe Benjamine yashoje amahugurwa y'abakorerabushake 27 b'urubyiruko bafite ubumuga, muri gahunda y'umushinga MUREKE Dusome(Ishyirwa mu bikorwa n'umushinga  Save the Children), amaze iminsi itatu abera ku biro by'Akarere. Uyu mushinga wa MUREKE Dusome ukaba uzafasha abana bafite ubumuga bo mu mirenge igize Akarere kubashishikariza kwiga ubinyujije mu guhuza abana biga kuva mu mwaka wa mbere kugeza  mu wa gatatu w'abashuri abanza n'abandi bacikanwe bagomba gutangira amasomo. Mubyo bazitaho harimo:
- Gushishikariza ababyeyi gushyira mu ishuri abana bafite ubumuga
- Kudaheza abana n'uruhare rw'ababyeyi mu kwita ku baba bafite ubumuga
- Kubyaza imirimo y'umwana ya buri munsi mo amahirwe yo kwigisha abana
- Kubara inkuru no gusomera hamwe n'abandi bafite ubumuga
- Gutoza umwana ufite ubumuga kuvuga, gutega amatwi no gukorana n'abarimu. Umuyobozi w'Akarere wungirije ushinzwe imibereho myiza y'abaturage Madame Mukunduhirwe Benjamine yabasabye gukunda abana bafite ubumuga kugira ngo babashe kubiyumvamo kandi bakitangira umurimo bagiyemo kuko ariho bazagaragaza umusaruro. Yabijeje ubufatanye muri byose Kandi ashimira umufatanyabikorwa kuba yaratoranije Akarere ka Ngororero. Uyu mushinga wari uhagarariwe na Job Rusatira(Coordinator wa MUREKE Dusome) na Catherine Batamuriza (Umukozi muri Save the Children) hari Kandi nUmuhuzabikorwa w'Inama y'Igihugu y'abafite ubumuga (NCDP) ku rwego rw'Akarere Hakizimana Leonard.