Mu murenge wa Muhanda ku ruganda rw'icyayi rwa Rubaya habereye itangizwa ry'umushinga wa  HPA (Health Poverty Action) uri gushyira mu bikorwa umushinga witwa Woman Economic Opportuties  ugamije kongerera ubushobozi abahuye n'ihohoterwa ritandukanye. 

Aba bagenerwabikorwa mbere yo guhabwa akazi k'ubusoromyi kabaha amafaranga mu nganda z'icyayi bazabanza guhabwa amahugurwa mu byiciro 2 yo kwihangira umurimo ku buryo bunoze no kwigishwa, (mu gihe cy'amazi 4), tekiniki nshya  zo gusoroma icyayi bityo bakazahabwa imirimo ibakura mu bukene kandi bimakaza ihame ry'uburinganire n'ubwuzuzanye (Gender Equality Seal Program).

Umushinga wa Woman Economic Opportunities ufite abagenerwabikorwa mu nganda z'icyayi 5: Nyabihu (mu Karere ka Nyabihu), Rubaya (mu Karere ka Ngororero, Rutsiro (mu Karere ka Rutsiro), Gisakura na Gatare (mu Karere ka Nyamasheke). Uterwa inkunga na GIZ muri projet ya Women Economic Empowerment ukazamara umwaka n'igice  (uzasoza mu kwa 12/2025).

Muri rusange ufite abagenerwabikorwa 1,650 muri bo 550 ni abo mu Karere ka Ngororero bo mu mirenge ihunga icyayi ya Muhanda (300), Kabaya (150),  Kageyo (75) , Kavumu (75), Sovu (75). Muri bo abagore ni 80%.

Mu kwimakaza ihame ry'uburinganire  buri ruganda rw'icyayi  ruzashyiraho  komite ya gender izajya ikorerwa  isuzuma harebwa uko ihame ry'uburindganire ryifashe kuva ku nzego z'abakozi n'ubuyobozi bw'uruganda kugeza mu bakozi ba nyakabyizi barimo abasoromyi. iyi komite ya gender izakora imihigo kandi iyishyire mu bikorwa. Nyuma hazaza ubugenzuzi bwihariye buebe uko ihame ry'uburinganire ryimakajwe mu ruganda  noneho hatangwe seritifika.

Umuyobozi w'Akarere wungirije ushinzwe iterambere ry'ubukungu Bwana Uwihoreye Patrick yashimiye abafatanyabikorwa ba HPA, asaba abagenerwabikorwa kubyaza umusaruro amahirwe bazaniwe n'umushinga, gukomeza gukurikirana amahugurwa, kwihangira imirimo, kwivana mu bukene,  kwirinda ihohorerwa, kwimika uburinganire n'iterambere ry'umuryango.

Iki gikorwa cyo gutangiza umushinga wa HPA cyitabiriye kandi na
1.Yongmi Schibel wari uhagarariye GIZ akaba ari project manager
2.Tadesse Kassaye : HPA Africa head of programs
3.Maurice Nizeyima :HPA Rwanda Country Director
4.Umuyobozi w'Uruganda rw'icyayi rwa Rubaya
5.Abakozi b'Akarere baturutse mu mirenge ihinga icyayi ya Muhanda, Kavumu, Kabaya, Kageyo na Sovu.
6.Abagenerwabikorwa b'umushinga bagera kuri 300.

HPA ifite abafatanyabikorwa barimo Gender Monitoring Office Na Minisiteri y'Ihame ry'Uburinganire n'Iterambere ry'Umuryango.