Ni ingemwe z'amapapayi, avoka, marakuja n'ibinyomoro zatanzwe ku buryo buri muryango wagiye uhabwa ibiti 3 kuri buri bwoko. Hari kandi n'umurama w'imboga nka dodo, beterve, epinari na karoti. Igikoni cy'umudugudu cyahawe ibikorersho birimo amasafuliya, amasahani, ijerekani, amabase, ibiyiko, ibikombe, indobo, imikeka, ibyuma byo guhata n'ibindi. Byatanzwe mu mirenge ya Muhanda, Kageyo na Ngororero ku buryo bukurikira:

Mu murenge wa Muhanda byahawe imiryango 202 yo mu mudugudu wa Gatomvu akagari ka Bugarura, 182 yo mu mudugudu wa Rurambo akagari ka Rutagara. Mu murenge wa Kageyo byahawe imiryango 247 yo mu mudugudu wa Kabagari n'imiryango 259 y'umudugudu wa Gaseke mu kagari ka Kirwa, imiryango 214 yo mu mudugudu wa Resenyi, 220 yo muwa Nyamatanga, 176 yo muri Gitongo mu kagari ka Mukore. Mu murenge wa Ngororero ababibonye ni imiryango 243 yo mu  mudugudu wa Mpara mu kagari ka Mugano n'imiryango 239 yo mu mudugudu wa Nyarubari mu kagari ka kaseke.

abaturage bishimiye iki gikorwa bavuze ko nta biti by'imbuto ziribwa bari bafite uretse imiryango imwe n'imwe yari ifite iby'avoka.

Umushinga HortInvest watanze izi ngemwe n'imirama ugamije kuzamura umusaruro w'imbuto n'imboga, kuzirya no kuzigurisha mu miryango, kurwanya imirire mibi mu bana bari munsi y'imyaka 5 n'abagore bari mu gihe cy'uburumbuke.

Uyu mushinga uterwa inkunga na amabasade y'igihugu cy'Ubuholandi mu Rwanda ukaba ukorera mu turere twa Rubavu, Nyabihu, Karongi, Ngororero na Muhanga.