Ngororero: Umurindi w'Intwari uzababera isoko y'ubutwari

Ku bufatanye bw’ubuyobozi bw’Akarere ka Ngororero, Inama y’Igihugu y’Urubyiruko yateguye urugendo rugamije kwigisha urubyiruko amateka y’urugamba rwo kubohora u Rwanda.

Urubyiruko ruhagarariye abandi mu mirenge yose igize Akarere, abahagarariye urubyiruko rw'abakorerabushake n'urugaga bagiriye uru rugendo mu Ntara y’Amajyaruguru, mu Karere ka Gicumbi, aho basuye Inzu Ndangamurage y’Urugamba rwo Kubohora Igihugu iri ku Murindi w’Intwari.

Ibikorwa byaranze urugendo:

- Baganirijwe ku mateka y’u Rwanda guhera mu gihe cy’ubukoloni, kugera ku rugamba rwo kubohora igihugu n’ihagarikwa rya Jenoside yakorewe Abatutsi mu 1994.

- Batemberejwe ahantu hatandukanye hagize iyo nzu ndangamurage, basobanurirwa uburyo urugamba rwateguwe, aho rwatangiriye n’uko rwageze ku ntsinzi.

- Bahawe inyigisho z’ubutwari bwaranze urubyiruko rwagize uruhare mu kubohora igihugu, bsabwa gukurikiza indangagaciro zirimo:

Gukunda igihugu,

Kwitangira abandi,

Kwirinda amacakubiri n’ingengabitekerezo ya Jenoside.

Bahawe umukoro wo kugeza aya mateka ku bandi, bakanabigisha kugira ngo urubyiruko rw’u Rwanda rwose rugire ubumenyi n’indangagaciro bizima bishingiye ku mateka y’igihugu cyacu.

Urugendo rwagenze neza kandi rwabaye isoko y’ubumenyi n’ubutwari ku rubyiruko rwitabiriye.

Umurenge wa Nyange: CLADHO yasuye WASH and Nutrition Club yo muri GS Nyange

Ngororero: Abana bataye ishuli bagomba kurigarukamo bitarenze tariki 2/03/2026

Ngororero: MINEMA yatanze amahugurwa yerekeye butabazi bwihuse

Ngororero: Inkomezabigwi zubatse igikoni cy'ishuli kijyanye n'igihe

Ngororero: abanyamuryango ba PSF bihaye ukwezi bakaba barangije kwishyura imisanzu.

Ngororero: Ibibazi bikibangamiye imibereho myiza y'abaturage bikomeje gushakirwa ibisubuizo

Ngororero: Abaveterineri biyemeje gushyira umworozi ku isonga

Umurenge wa Kabaya: "Ikinyarwanda ni ururimi ruduhuza tukivuge, tucyandike neza"- Guverineri Ntibitura

Umurenge wa Ngororerowegukanye ibikombe 2 (gore, gabo) mu marushanwa y'UCP