Mu rwego rwo gusuzuma aho Imihigo  2021/2022 y'Akarere  ka Ngororero igeze yeswa, Umunyamabanga nshingwabikorwa w'Intara y'Iburengerazuba Madame Uwambajemariya Florence n'itsinda ayoboye bari mu Karere ka Ngororero. Basuzumye kandi aho ingengo y'imali igeze ikoreshwa (budget execution) n'Itangwa ry'amasoko (procurement plan).
Umunyamabanga nshingwabikorwa w'Intara yashimiye Akarere uburyo imihigo igenda yeswa n'uburyo Action Plan yateguwe neza.
Habayeho kungurana ibitekerezo ku mihigo igomba kwihutishwa.
Muri uyu mwaka Akarere ka Ngororero gafite imihigo 86.

Nyuma bakomeje isuzuma ry'imihigo  mu bagenerwabikorwa nyirizina. PES Uwambajemariya yasuye imihigo ijyanye no gukemura ibibazo  bibangamiye imibereho y'abaturage iherereye mu mirenge ya Muhororo na Gatumba. 
Abandi bari mu itsinda  bagabanye indi mirenge igize Akarere.
 Nyuma yo gusuzuma imihigo mu bagenerwabikorwa nyirizina PES  n'itsinda ayoboye bagiranye inama na Komite Nyobozi y'Akarere, inzego  z'umutekano, abanyamabanga nshingwabikorwa b'imirenge n'abatekinisiye  baganira ku byavuye mw'isuzuma ryaba iryo muri files ryaba iryo kuri field.
Yongeye gushimira ubuyobozi bw'Akarere intambwe imaze guterwa mu kwesa imihigo anagaragaza ibigomba kwitabwaho kugirango imihigo irusheho kweswa neza.

Nyuma y'uko iri itsinda rishoje isuzuma ry'imihigo  mu gihe cy'iminsi 2; Umuyobozi  w'Akarere Bwana  Nkusi Christophe ari kumwe b'abamwungirije bombi yagiranye inama n'Abanyamabanga nshingwabikorwa b'imirenge n'abayobozi b'amashami ku Karere. Ybashimiye uburyo barwana ishyaka buri wese mu mwanya we mu kwesa imihigo baharanira imibereho myiza y'abaturage.  Yabashishikarije guhoza umuturage kw'isonga nk'uko "tubitozwa na Nyakubahwa Perezida wa Repubulika."Yabibukije gukomeza guhangana na Covid-19 bakangurira abaturage kwikingiza byuzuye.
Yabasabye gushyira imbaraga mu bwisungane mu kwivuza,  Ejo heza, kurwanya uguta ishuli kw'abana n'izindi gahunda za Leta Leta zituma imiberehomyiza y'abaturage irushaho kuba myiza.

.