Uyu munsi mu Karere ka Ngororero habaye igikorwa cy'umuganda wihariye w'urubyiruko wateguwe ku rwego rw'Igihugu.
 Ku rwego rw'Akarere ka Ngororero wabereye mu Murenge wa Matyazo, Akagali ka Gitega, Umudugudu wa Barama.
Umuganda witabiriwe n'Umunyamabanga Nshingwa bikorwa w'Intara y'Iburengerazuba Mme UWAMBAJEMARIYA Florence, ari nawe mushyitsi mukuru muri iki gikorwa,cy'itabiriwe kandi na Honorable Depite Emmanuel KAREMERA hamwe n'itsinda bari kumwe.  Bakiriwe n'Umuyobozi  w'Akarere ka Ngororero Bwana NKUSI Christophe  ari kumwe na VM Asoc Madame Mukunduhirwe Benjamine  n'Inzego z'umutekano zikorera mu Karere, inzego zihagarariye urubyiruko mu Karere, abaturage b'Umurenge wa Matyazo, abanyeshuri bigira mu bigo by'amashuri bya TTC Muramba, CIC  Muramba na ESECOM Rucano

Umuganda waranzwe no gutera ibiti 4000 bivangwa n'imyaka  byatewe kuri hegitari 7.
Urubyiruko n'abandi bitabiriye umuganda, nyuma yo gutera ibiti bahawe ikiganiro gifite insanganyamatsiko igira iti : " INTEKEREZO SHINGORO Y'IMIYOBORERE Y'URWANDA KUVA 1994".
 Nyuma y'umuganda habaye inama yahuje Intumwa za rubanda n'abaturage. Abaturage bahawe umwanya wo kubaza no gutanga ibitekerezo. Barifuza ibikorwa remezo nk'imihanda, amashanyarazi n'ibiraro. Ibibazo byabajijwe byahawe ibisubizo.

Intumwa za rubanda zanaganiriye n'abavuga rikumvikana b'umurenge wa Matyazo, basuye imishinga y'iterambere, banasura ibikorwa by'iby'iciro byihariye (urubyiruko, abagore, abafite ubumuga n'abageze mu zabukuru).

Umunsi wasojwe abadepite basura ikigo cya APAX Muramba aharererwa abana bafite bumuga butandukanye muri gahunda y'uburezi budaheza.

NYUMA Y'UMUGANDA WIHARIYE W'URUBYIRUKO HABAYE IBIGANIRO BITANDUKANYE