Umuyobozi w’Akarere wungirije Ushinzwe Imibereho Myiza y’Abaturage Mme MUKUNDUHIRWE Benjamine yakiriye  Itsinda ry’Abakozi bakora muri USAID/ INGOBYI ACTIVITY /zone y’Iburengerazuba ryari riyobowe na Bwana Jean Bosco  BAZIMAZIKI.
Bagaragarije Akarere umushinga mushya  ugamije kuzamura ubushobozi bw'abaturage binyuze mu matsinda  yo  kwizigamira ( Saving for Transformation) bityo abaturage bakennye bagahindura imyumvire ibaganisha ku kwishyura ubwisungane mu kwivuza ( MUSA) , kugira ubushobozi bwo kwigira mu mu mirire  no gukemura ibindi bibazo bibangamiye n'imibereho myiza yabo.
Uyu mushinga uzashyirwa mu bikorwa na WORLD VISION binyuze muri USAID/ Ingobyi Activity.
Inama yitabiriwe kandi n’umuyobozi w’ishami ry’ubuzima, umuyobozi w’ishami ry’imiyoborere myiza, umuyobozi w’ishami ry'shoramali n’amakoperative abakozi bo mw'ishami ry’ubuzima, umukozi ushinzwe iterambere ry’imiryango n’uwari uhagarariye  ubuyobozi  bw’umurenge wa Kageyo uwo mushinga uzakoreramo.
Nyuma yo kungurana ibitekerezo k’uburyo umushinga uzakora n’abagenerwabikorwa bawo , VM Mukunduhirwe yijeje umufatanyabikorwa ubufatanye bw'Akarere bityo abagenerwabikorwa bakivana mu bukene bukabije, bakabona uburyo bwo kwishyura MUSA, bakanabona serivise z’ubuzima bakeneye banakemura ibibazo bibangamiye imibereho myiza yabo. Hifujwe ko ibikorwa by'uyu mushinga mushya byagera no mu yindi mirenge