Ukwezi kwahariwe kuzirakana ubumwe n'ubudaheranwa bw'abanyarwanda ku nsanganyamatsiko igira it: "uruhare rwa buri munyarwanda mu kwimakaza ubumwe n'ubudaheranwa bw'abanyarwanda"  kwatangirijwe ku rwego rw'Akarere mu murenge wa Hindiro. Uyu muhango wayobowe n'umuyobozi w'akarere Bwana Nkusi Christophe ari kumwe n' umuyobozi w'akarere wungirije ushinzwe imibereho myiza y'abaturage Madame Mukunduhirwe Benjamine n'inzego z'umutekano. Abaturage bakurikiranye ikiganiro gikubiyemo ibishyitsi bishimangira ubumwe bw'abanyarwanda.
Mayor Nkusi: "turi mu mudendezo wuje ubumwe n'ubudaheranwa dukesha Intore izirusha intambwe Nyakubahwa Perezida wa Repubulika uharanira ubudahwema iterambere ry'abanyarwanda bose. Muze twubake ubumwe butajegahega kuko ubumwe bwacu nizo mbaraga zacu."

Aganira n'abaturage Mayor Nkusi yagarutse no ku ipfunwe Akarere ka Ngororero gaterwa no kuba kari ku mwanya wa mbere mu kugira abana bagwingiye. Yavuze ko umwana wagwingiye adashobora kuzubaka ejo hazaza bityo igihug kikaba gitakaje imbaraga n'bukungu. Yasabye imiryango kwirinda amakimbirane no kutabyara abarenze ubushobozi bwo kubarera kuko nabyo biri mu bikurura imirire mibi nadetse n'ibibazo bibangamiye imibereho myiza y'abaturage.

Aha yerekanye ko umuryango ufite amakimbirane usanga ariwo utubahiriza gahunda za Leta zirimo kwishyura ubwisungane mu kwivuza, kwiteganyiriza muri Ejo Heza, gukangurira abana gukunda ishuli,...
Umuyobozi w'Akarere yanabibukije uburyo bwo kwirinda indwara ya Ebola yagaragaye mu gihugu gihana imbibi n'u Rwanda.