Umuyobozi w'Akarere Bwana NKUSI Christophe yayoboye inama yo kwitegura igihembwe cy'ihinga 2026A no gutera ibiti bivangwa n'imyaka n'iby'imbuto muri gahunda yiswe 26A Tree Campaign.

Intego y'inama ni uguhuza imbaraga z'abafatanyabikorwa kugira ngo igikorwa cyo gukwirakwiza ibiti mu baturage kizagenda neza.
Ibiti byateguwe na Tubura ni nayo izabikwirakwiza, Akarere kazahuza ibikorwa naho Rab/Twigire muhinzi bakazakora ubukangurambaga mu kubibyaza umusaruro.

Mayor Nkusi: "ntabwo bihagije gukwirakwiza ibiti mu baturage ninangombwa gukurikirana uburyo bifashwe neza kugirango bizatange umusaruro mwiza."

Hanaganiriwe ku
- uruhare ry'Abafatanyabikorwa mu gukwirakwiza ibiti
-uko campaign y'ubushize yagenze 
- ibizakorwa muri uyu mwaka.

Umwaka ushize ku rwego rw'Akarere hatanzwe ibiti 
687,346 bivangwa n'imyaka  
n'ibiti 2,500 by'imbuto.
Byakiriwe n'abahinzi 
33,650  bingana na 91% barimo abagore 12,856 abagabo 20,794
Uyu mwaka biteganijwe ko hazatangwa ibiti bivangwa n'imyaka bigera kuri 1, 013.000
n'iby'imbuto 2,500 bizahabwa imiryango igera ku 80,887.
Mu mbogamizi zikigaragara hari:
-Ubwitabire  budahagije mu gufata ibiti;
-Kudakurikirana imibereho y'ibiti nyuma yo gutera;
-Urubyiruko n'abagore ntibitabira bihagije.

Aha inzego z'ibanze zasabwe kugira ubukangurambaga buhagije binyuze mu nama no gukoresha abahwituzi, inama y'Igihugu y'urubyiruko igomba gukangurira urubyiruko kwitabira gutera ibi ari benshi.

Umufatanyabikorwa ARCOS  yatangaje ko umwaka ushize wa 2024 yatanze ibiti 746, 441 naho uyu mwaka wa 2025 izatanga 1,233, 450.

Umuyobozi w'ishami ry'ubuhinzi n'umutungo kamere yerekanye aho imyiteguro y'igihembwe cy'ihinga 2026A igeze: 
-Akarere kageze kuri 92% ku kwinjiza abahinzi muri Smart Nkunganire System (SNS).
-Amakuru ya meteo Rwanda agaragaza ko imirenge y'Akarere iherereye mu majyaruguru  izabona imvura ihagije guhera tariki 8-15/09/2025 ikazacika 22-29/12/2025 
Mu mirenge y'amajyepfo biteganijwe ko izacika mbere ho icyumweru.
Yanasobanuye imiterere n'imikorere ya FoBaSi (Food Basket Sites) aho igomba kuba yujuje ibyangombwa byose byatuma ubutaka bufatwa neza kandi bukabonekaho umusaruro utubutse.

Mu kungurana ibitekerezo hafashwe umwanzuro ko: -ubukangurambaga bwashyirwamo ingufu nyinshi bityo abaturage bateganijwe guhabwa ibiti bose bakabifata bakabitera kandi bakabikurikirana bigatanga umusaruro uhagije.
- gutanga ibiti bigendanye n'Akarere ukurikije (ubukonje n'ubushyuhe) mu mirenge.

Biteganijwe ko igihembwe cy'ihinga 2026A kizatangizwa ku rwego rw'Akarere tariki 28/09 /2025 mu murenge wa Kageyo mu kagari ka Mukore.

Inama yahuje abafatanyabikorwa barimo RAB station ya Gishwati, ARCOS, Abanyamabanga Nshingwabikorwa b’Imirenge, abayobozi b'inzego z'umutekano, abakozi bo mu ishami ry’ubuhinzi, abashinzwe amashyamba n'abashinzwe ubuhinzi mu mirenge.