Kuri uyu wa 29/06/2021 Umufatanyabikorwa Save the Children yashyize ahagaragara ibyagezweho mu myaka 5 ishize n'ibyo igamije gukora mu gihe cya vuba cy'amezi 6 mu burezi bw'abana b'inshuke. Uyu mufatanyabikorwa w'Akarere ka Ngororero agira uruhare rukomeye mu burezi bw'abana bato by'umwihariko abafite ubumuga haba mu mashuli y'incuke ndetse no mu mwaka wa mbere w'amashuli abanza. Mubyo yakoze no mubyo agamije harimo kwita ku bana bafite ubumuga,
 Igikorwa cyo kugaragaza ibyagezweho n'ibigamijwe cyabereye ku ma sites 2 (Gatumba na Kabaya) kibanzirizwa no gupima Covid-19 abacyitabiriye mu rwego rwo kuyirinda. Cyayobowe na Mlle Mukantagwera Liliose umukozi wa save the Children ari kumwe n'umunyamabanga uhoraho w'Ihuriro ry'abafatanayabikorwa b'akarere ka Ngororero (JADF Isanagano) Madame Nyiransengimana Donatille

 Ibyagezweho:
Yubatse ubushobozi bw'abatanyabikorwa bawo mu mpande zinyuranye:
Yahuguye abarimu hagendewe ku mfashanyigisho nshya za REB: Hahuguwe abarimu 411 barimo 194 bo mu mashuli y'inshuke na 217 bigisha mu mwaka wa mbere w'amashuli abanza.

Yahuguwe abajyanama b'ubuzima 194, abayobozi b'amashuli n'ab'uburezi mu mirenge bose hamwe141
 Yakoze igikorwa cyo gushakisha no kubarura abana bafite ubumuga; kubaha inyunganirangingo n'ibikoresho by'ishuli  no gukurikirana  imyigire yabo.
 Yatanze ibitabo 1500,
Yakoze ubukangurambaga mu babyeyi binyuze mu biganiro ku ma radiyo,

Yakurikiranye abalimu bahuguwe, kubagira inama n'ibindi...
 Bimwe mu biteganijwe:
1. Gukomeza monotoring harebwa niba abalimu barangiza neza inshingano zabo nk'uko babihuguriwe
2. Kugera ku bana n'ababyeyi  hagamijwe kumenya uko bakira ibikorwa bya Save the Children
3. Gukomeza kwita ku bana bafite ubumuga.
 Nyuma y'ibiganiro hakurikiyeho gukorera mu matsinda 4. Ibyayavuyemo bikazaha Save the Children umurongo nyawo wo gukomeza ibikorwa byawo.

Iki gikorwa cyari cyatumiwemo abayobozi b'uburezi mu mirenge, abayobozi b'amashhuli bahagarariye abandi, abalimu bigisha mu mashuli y'incuke bahagarariye abandi n'inzego z'umutekano.
Amabwiriza yo kwirinda Covid-19 yubahirijwe ku ma sites yombi.