Mu rwego rwo gushyira umuturage ku isonga mu murenge wa Gatumba mu kagari ka Karambo mu Mudugudu wa Kimisagara huzuye amazu 10  yubatswe ku bufatanye bw'Akarere na Minisiteri y'Ingabo z'Igihugu; yubakiwe abaturage batishoboye mu cyumweru cyahariwe ibikorwa by'ingabo mu baturage (army week).
Ni amazu yuzuye atwaye arenga miliyoni ijana na makumyabiri (120,000,000 frws) arimo ibikoresho byose byo munzu byaba intebe, ibitanda n'ibiryamirwa, ibikoresho byo mu gikoni n'iby'isuku ndetse n'ibiribwa.
Ni amazu arimo ubwiherero n'ubwiyuhagiriro, amashanyarazi n'ububiko (stock).
Amazi nayo yarahageze.
Ingabo ziturutse mu gihugu cy'Uburundi mu rwego rwa Eastern African Community nizo zashyikirije aba bagenerwabikorwa biriya bikoresho byavuzwe haruguru.  Uwari ayoboye itsinda ryabo  Lt Colonel YAMUREMYE Jacques  shimiye u Rwanda uburyo bakiriwe neza bakaba basohoza neza ubutumwa bw'abapbatumye.
Bakiriwe n'Umuyobozi w'Akarere Bwana nkusi Christophe wavuze ko bishimiye akamaro ingabo zikora mu rwego rwa EAC zifitiye ibihugu binyamuryango mu byiciro bitandukanye birimo ubuvuzi, ibwubatsi,... 
Nyirabeza Vestine ni umwe mu bahawe inzu. Yagize ati: " Aho twari turi twari tubayeho nabi nubwo ubuyobozi bwadukodesherezaga. Turashimira ubuyobozi bwiza bw'Igihugu cyacu bwashyize umuturage ku isonga bukaba budutuje heza  kandi neza."
Umuyobozi w'Akarere  wakiriye abashyitsi nawe yashimiye ubuyobozi bwiza bw'Igihugu cyacu burangajwe imbere na Nyakubahwa Perezida wa Repubulika Paul Kagame buhora buzirikana iterambere ry'imibereho myiza y'abaturage.
Yasabye abagenerwabikorwa bahawe amazu kuyafata neza.
#umuturagekuisonga.