Kunamira inzirakarengane zishwe muri jenoside yakorewe abatutsi mu1994 zishyinguye mu rwibutso rwa Nyange bayranzwe n'ubuhamya bugaragaza ko abacitse kw'icumu banze guheranwa n'agahinda bakaba bageze kure biyubaka
 Byabanjirijwe n'igitambo cya Misa mu rwego rwo kuzirikana inzirakarengane zishwe mu 1994; nyuma hashyirwa indabo  ku rwibutso.
 Umuyobozi  w'Akarere Bwana Ndayambaje Godefroid yagarutse ku bunyamaswa bwaranze jenoside yakorewe abatutsi, uburyo abahungiye mu kiliziya ya Nyange bayirituriweho bagatikitiramo; asaba ko gufata mu mugongo abarokotse byaba inshingano ya buri wese.
 Yanavuze ku bumwe n'ubwiyunge ashima imibanire hagati y'abarokotse n'ababiciye  bityo ubumwe n'ubwiyunge bikaba bimaze gushinga imizi.
 President wa IBUKA mu murenge wa Nyange Bwana Rwamasirabo Aloys yasobanuye amateka yaranze umurenge wa Nyange mu gihe cya jenoside n'uburyo abarokotse jenoside banze guheranwa n'agahinda bagaharanira  kwiyubaka ubu bakaba bakataje mw'iterambere.

Presidente wa AVEGA Madame Kangabe Appolinarie nawe yavuze ku buryo begenzi be bibumbiye mu makoperative atuma bava mu bwigunge bagaharanira iterambere.Ati aho tugeze ni heza kubera Leta yacu idahwema kutwitaho.
 Igikorwa cyanitabiriwe n'abagize inama y'umutekano itaguye y'Akarere, presidente wa Avega mu Karere n'abahagarariye imiryango y'ababuze ababo.