Mu gukurikirana imyiteguro y'igihembwe cy'ihinga cya 2026 umukozi ushinzwe ubuhinzi n'umutungo kamere mu murenge wa Kageyo yasuye ahacururizwa inyongeramusaruro muri site za Tubura : Muramba na Kageshi  harebwa ibyasagutse (amafumbire, imbuto, ishwagara,…) mu gihembwe cy'ihinga 2025B, ibyagemuwe mu gihembwe cya 2026A n'ibihari ubu n'uko biri muri MOPA (Mobile Order Processing application =Uburyo bw'ikoranabuhanga bubikwamo bukanemerera umuhinzi kugura inyongeramusaruro z'ubuhinzi).

 Icyagaragaye ni uko hari ahataragera ishwagara grade ya 1  bakaba batazi n'igihe izazira kandi n' aho iri iracyahari yagombye kuba ari yo yatewe mbere.

 Hagiwe inama zo gukora neza no gusobanurira abahinzi;bitari ukubaha ibyo batwara gusa ahubwo hakitabwa no ku nama zitangwa na Minisiteri y'Ubuhinzi n'Ubworozi. 
Ku bufatanye bw'akarere n'Umufatanyabikorwa Raising The Village (RTV), hatanzwe amahugurwa mu midugudu ku buryo bwo gutegura pépinière, gukora ifumbire y' amazi  n'imiti yo kurwanya udukoko n' indwara mu bihingwa hakoreshejwe ibiboneka hafi bitaguzwe. Iyi fumbire 

 Umukozi ushinzwe ubuhinzi n'umutungo kamere yahuguye  mu mudugudu wa Kibanda. Hanatanzwe ubutumwa kuri gahunda za Leta.

Naho mu murenge wa Ngororero habaye inama y'abajyanama b'ubuhinzi yayobowe n'Umunyamabanga nshingwabikorwa w'Umurenge Bwana Mugisha Daniel

Yari igamije gusuzuma aho imyiteguro y'igihembwe cy'ihinga cya 2026A igeze no gukangurira abayitumiwemo kuba nyambere mu kwitabira gahunda  za Leta  no gufatanya n:abayobozi babegereye mu bukangurambaga mu baturage bagenzi babo. 

 Abajyanama b'ubuhinzi biyemeje kuba bamaze gufasha abahinzi kwiyandikisha muri Smart Nkunganire System (SNS) no kwishyura Musa na Ejoheza y'uku kwezi bitarenze icyumweru kimwe Kandi bakanabikangurira abandi. Ubuhuzabikorwa bw'inama bwakozwe na agronome w'Umurenge.