Kuri uyu wa13/9/2024  itsinda ry 'Akarere riyobowe na NYIRIMPUHWE Jean D' Amour umuyobozi w' Ishami ry' ubuzima bakoze  ubugenzuzi mu  mirenge ya Matyazo, Ngororero na Kabaya bareba ibikorwa by’isuku bitandukanye mu rwego rwo gukumira icyorezo cya Mpox n’izindi ndwara ziterwa n’umwanda
Ubugenzuzi bwakorewe aha hakurikira:
- Umurenge wa Matyazo: Hagenzuwe ibiro by' Umurenge wa Matyazo aho umuyobozi w' ishami yaganirije abaturage baje gusaba serivisi uko bakwirinda icyorezo cya MPOX. Abayobozi b' Umurenge bagiriwe inama yo gushyiraho kandagira ukurabe cyangwa ubukarabiro kuko ntabihari.
- Umurenge SACCO wa Matyazo: Abayobozi ba Sacco bagiriwe inama yo gushyiraho ubukarabiro na kandagira ukarabe
- Ikigo cy' Amashuri cya CIC Muramba: ikigo gifite ubukarabiro; kuri buri nyubako (amashuli, aha abanyeshuli barara, aho bafatira amafunguro, ibiro by'ubuyobozi n'abalimu, igikoni, ubwiherero) hari kandagira ukarabe, aho batekera hari isuku naho abana bafatira amafunguro hari isuku.
-  Umurenge wa Kabaya: Ikigo cy' amashuri cya Ibuka bagiriwe inama zo kunoza isuku mu gikoni, aho abana barira naho  baryama; Ku isoko rya Kabaya Ubukarabiro bwarapfuye ntibukora, basabwe kongera kubukoresha.
- Umurenge wa Ngororero: Hagenzuwe muri centre ya Ngororero na Gare ya Ngororero.  Ubukangurambaga bwakozwe iduka ku iduka. Twibukije abatanga services gukaraba intoki, gushyiraho kandagirukarabe. Hari abahitaga bazishyiraho ako kanya abandi biyemeza kubikora vuba. 
Hagenzuwe kandi Polyclinic de Ngororero: nta buryo bufatika bafite bwo kuyirwanya kuko ntamazi bafite mu ivuriro, nta kandagirukarabe n’imwe bafite na Hand Sanitizers nazo bazifite mu byumba by'abaganga bike. Basabwe gushaka kandagirukarabe bakazajya bazivomera aho bakura amazi bakoropesha mu ivuriro.