Muri iki gitondo Minisitiri wa Minisiteri y'ibikorwa by'ubutabazi Hon Kayisire Marie Solange akaba n'imboni y'Akarere ka Ngororero muri Guverinoma  yokoreye uruzinduko rw'akazi muri aka karere. Yaje kuganira n'abayobozi n'abakozi ku bijyanye n'uburyo ibipimo byo kwesa imihigo byarushaho kuzamuka. Yakiriwe n'umuyobozi w'Akarere Bwana NDAYAMBAJE Godefroid ari kumwe na Bureau komite Nyobozi y'Akarere, inzego z'umutekano n'abayobozi b'amashami.
Minister Kayisire yavuze ko umwanya Akarere kabonye mu kwesa imihigo y'umwaka wa 2019/2020 udashimishije.

Mayor NDAYAMBAJE yasobanuye uburyo Akarere kababajwe n'uriya mwanya utari mwiza agaragaza ingamba zatuma ibipimo birushaho kuzamuka mu mwaka wa 2020/2021. Minister yagiye inama ko Akarere kajya gahiga imihigo gafitiye ubushobozi bwo kuyesa.

Yanavuze ko  imihigo isaba uruhare rw'abaturage, idasaba inkunga yo hanze nka Ejo Heza, kurwanya imirire mibi, kwishyura ubwisungane mu kwivuza, ....yakweswa ku bipimo bishimishije.
Habayeho kungurana ibitekerezo ku buryo imihigo y'umwaka utaha yakweswa neza.
Yasabye ko gutahiriza umugozi umwe (team spirit) byakomeza kuranga Akarere ka Ngororero aho imihigo iteshejwe neza hagakosorwa hitabwa ku mirongo migari y'iterambere rirambye ry'Igihugu cyacu.

Minisitiri Kayisire yagarautse ku mashuli yongera kwibutsa ko inyubako z'ibyumba zakwihutiswa kandi ko  amashuli gomba kuba yuzuye muri uku kwezi kwa 11. Kubakira abasenyewe n'ibiza nabyo ngo bigomba kwihutishwa.