Minister wa MINEMA akaba n'imboni y'akarere ka Ngororero muri guverinoma Hon. Kayisire marie Solange yashoje uruzinduko yagiriraga muri aka Karere. Yarushoje asura uruganda rw'icyayi rwa Rubaya mu
 murenge wa Muhanda n'inyubako z'ibyumba by'amashuli mu murenge wa Kabaya.

Nyuma yo gusobanurirwa no kwerekwa imikorere y'uruganda yasabye ko hakomeza gushyirwa imbaraga mu kwagura ubuso buhingwaho icyayi  bikazafasha gukomeza guteza imbere abaturage no gufata neza ubutaka burindwa isuri.

Uru ruganda rufite icyayi giteye ku buso bwa hegitari 802 mu mirima y'uruganda (Bloc Industriel) na hegitari 857 mu mirima y'abaturage (The Villageois) bibumbiye muri koperative COTRAGAGI. Ubuso bwose ni hegitari 1659.

Umusaruro w'icyayi uri ku mpuzandengo ingana na kg781 kuri hegitari mu kwezi mu mirima y'uruganda na kg 721 kuri hegitari mu kwezi mu mirima y'abaturage. Umusaruro mu kwezi ugendera ku ifumbire n'ingano y'imvura.

 Mu murenge wa Kabaya  Minister Kayisire yasuye ahubakwa ibyumba by'amashuri n'ubwiherero kuri EP Mwendo.
 Nyuma yo kugezwaho aho kubaka ibyumba by'amashuri n'ubwiherero bigeze mu Karere kose, yasabye ko imirimo yakwihutishwa ikazaba irangiye bitarenze kuwa 30/11/2020. Yasabye inzego zose bireba gukora mu buryo budasanzwe itariki yatanzwe ikazubahirizwa. Mu karere ka Ngoroero
 Minister Kayitesi yakiriwe  n'umuyobozi  w'Akarere Bwana NDAYAMBAJE Godefroid ari kumwe na Komite  Nyobozi y'Akarere, n'abayobozi b'inzego z'umutekano ku rwego rw'Akarere.