Kuri uyu wa 19/07/2022 mu Karere ka Ngororero hatangijwe ku mugaragaro imurikabikorwa ry'Abafatanyabikorwa b'Akarere bibumbiye muri JADF-ISANGANO.

Iri murikabikorwa rifite insanganyamatsiko igira iti: "Kugaragariza Umuturage ibimukorerwa ni ishingiro ry'Imiyoborere Myiza".

Umushyitsi Mukuru muri uyu muhango yari Minisitiri Ushinzwe Ibikorwa by'Ubutabazi akaba n'Imboni y'Akarere muri Guverinoma Honorable KAYISIRE Marie Solange wafunguye iri murikabikorwa ari kumwe na Guverineri w'Intara y'i Burengerazuba Bwana HABITEGEKO Francois.

Bakiriwe n'Umuyobozi w'Akarere Bwana NKUSI Christophe ari kumwe n'Abayobozi b'Akarere bungirije bombi, Umunyamabanga Nshingwabikorwa w'Akarere, Visi-Perezida w'Inama Njyanama y'Akarere, Perezida wa JADF-ISANGANO, abayobozi mu Nzego z'Umutekano zikorera mu Karere n'Abandi bafatanyabikorwa b'Akarere. Abafatanyabikorwa baryitabirye baragera kuri 62.

Mu kubashimira umuyobozi w'Akarere yavuze ko batumye Akarere gatera imbere mu bikorwa bitandukanye birimo kugeza amazi meza ku baturage 82%, guteza imbere ubuhinzi no kongera umusaruro, kubaka  ibiraro byo mu kirere ku migezi ya Muhembe na Satinsyi , ivuriro rito mu murenge wa Matyazo, guhindura imyumvire y'abaturage byatumye barushaho gutera imbere mu mibereho myiza ibiteganiriijwe, kubaka inzu z'ubucuruzi, gukemura ibibazo bibangamiye imibereho myiza y'abaturage (HSIs). Aha yashimiye by'uwihariko amadini n'amatorero yafashije abaturage gutura heza.

Perezida wa JADF ISANGANO Padiri Jean Paul Rutakisha yavuze ko bishimiye gufatanya n'Akarere kugaragariza abaturage ibibakorerwa. Umwaka ushize ibikorwa by' abafatanyabikorwa byatwaye agera kuri miliyari 8. bafatanije n'Akarere kurwanya imirire mibi, kubungabunga ibidukikije harwanywa isuri, gukemura amakimbirane mu ngo, gukemura ibibazo bibangamiye imibereho myiza y'abaturage n'ibindi
Guverineri w'Intara y'Iburengerazuba bwana habitegeko Francois nawe  yashimiye abafatanyabikorwa baharanira imibereho myiza y'abaturage abasaba gukomeza gutahiriza umugozi umwe kugirango ibibazo birimo icy'imirire mibi bikemuke burundu. yagize ati : "nta kibura ngo kibonerwe umuti urambye"

Ministiri Kayisire Marie Solange akaba n'imboni y'Akarere muri Guverinoma yagaragaje akanyamuneza atewe n'aho Akarere abereye imboni muri Guverinoma kageza mu mpinduka nziza z'imibereho y'abaturage agira ati: "ibikorwa baynyu birivugira". Yashimiye ubwiza bwa made in Ngororero abasaba abanyabukorikori kunoza ibyo bakora kugirango bashobore kubona isoko ryagutse. Ageze ku bimurikwa bya sosiyete icukura amabuye y'agaciro Ngororero Mining Company, yibukije ko ubucukuzi bugomba gukorwa mu buryo bidateza ibiza bihitana abaturage cyangwa ngo byangize ibidukikije. Yashimiye abafatanyabikorwa uburyo bashyira hamwe abaturage bakabona serivisi bakeneye yongeraho ko JADF ifatwa nka moteri y'iterambere ry'Akarere asaba iri huriro guhamya ibirindiro.

Yasabye ko abaturage bakwihatira guhinga icyayi kuko kirwanya isuri kikanafasha kurwanya ubukene. Yashimiye ubuyobozi bw'Akarere bwateguye iri murikabikorwa n'abafatanyabikorwa baharanira imibereho myiza y'abaturage.

Biteganije ko iri murikabikorwa rizamara iminsi.