Uyu munsi Minisitiri w'Umutekano mu Gihugu akaba n'Imboni y'Akarere muri Guverinoma Hon. Visenti Biruta yagiriye uruzinduko rw'akazi  mu Karere ka Ngororero aho yasuye ibikorwaremezo birimo ibigo nderabuzima n'imihanda.
Yatangiriye uru ruzinduko mu murenge wa Nyange aho yatambagijwe inyubako nshya za laboratwari n'inzu y'ababyeyi (materinite) byuzuye bifite agaciro ka 176,000,000 frws.
Yakomereje mu murenge wa Ndaro ahari kubakwa ikigo nderabuzima kijyanye n'igihe cya Ntobwe igice cya mbere. Iki gice kigizwe n'inzu   y'ababyeyi ijyanye n'igihe,  igeretse rimwe, ikaba ishobora kwakira ibitanda bigera kuri 50.

Inyubako izuzura itwaye 456,000,000 frws. 
Ikigo nderabuzima cya Ntobwe giha serivisi abaturage
25,583 b'utugari 5 tugizwe n'imidugudu 33 igize umurenge wa Ndaro.
Hon. Visenti Biruta  yashoreje uruzinduko rwe mu mirenge ya Gatumba na Matyazo aho yasuye ibikorwaremezo by'imihanda: 
Mu murenge wa Gatumba hari gukorwa umuhanda Gatumba-Bwira- Ndaro-Nyange igice cya mbere gifite uburebure bwa km 16,5 uzuzura utwaye1,839,475,011 frws. Urimo kubakwa na company Delta II.
Yasobanuriwe uburyo imirimo yagiye idindira kubera imvura yagiye itengura ubutaka buba bworoshye. 
Mu murenge wa Matyazo hasuwe umuhanda Gatega-Gitega-Rubagabaga ufite uburebure bwa km 12 uzuzura utwaye 1,967,764,221 frws. Urimo kubakwa na company Yerohimu.
Muri uru ruzindiko Minisitiri Biruta yagiye inama z'ibigomba gukorwa kugirango imirimo yihute kandi yujuje ubuziranenge.
Yakiriwe n'Umuyobozi w'Akarere @cnkusi20 wari kumwe n'abayobozi b'inzego z'umutekano,  abatekinisiye bo mu ishami ry'ubuzima n'iry'ibikorwaremezo.