Minisitiri w'Umutekano mu Gihugu akaba n'Imboni y'Akarere ka Ngororero muri Guverinoma Hon. Dr Visenti Biruta yifatanije n'abaturage b'umurenge wa Gatumba mu muganda rusange ngarukakwezi usoza ukwezi kwa Werurwe.
Umuganda waranzwe no gutera ibiti by'imbuto,  kuvugurura urutoki,  kugaburira abana indyo yuzuye no gusukura inzibutso.
Nyuma y'umuganda habaye inama n'abaturage bagezwaho ibiganiro ku kwigira (kuko ak'imuhana kaza imvura ihise).
Abaturage bahamagariwe kuzitabira ibikorwa byo kwibuka  ku nshuro ya 31 Jenoside yakorewe Abatutsi mu 1994.
Mu kiganiro ku ihame ry'uburinganire n'ubwuzuzanye Umutoni Gatsinzi Nadine  Chief Gender Monitor (CGM)
yibukije abaturage kwimakaza ihame ry'uburinganire n'ubwuzuzanye bagatoza abana  iri hame mu buto bwabo bagakura bafite iyi ndangagaciro izabafasha mu kubaka umuryango ushoboye kandi utekanye.
Minisitiri Biruta yibukije abaturage gukora cyane bakigira bityo bagashyigikira gahunda nziza y'Igihugu cyacu.

yo kwihaza " imfashanyo z'amahanga zikaza ari inyongera."
Minisitiri Biruta yagarutse  ku bikorwa byo kwibuka ku nshuro ya 31 Jenoside yakorewe Abatutsi mu 1994 asaba buri wese guharanira kubaka umuryango uzira ingengabitekerezo ya Jenoside no kwamagana abagamije kuyikwirakwiza bakoresheje ikoranabuhanga.
Yashoje uruzinduko rwe aganira n'abaturage bacururizaga muri centre ya Cyome bakaba bagomba kuzimukira kuri site ya Rubona mu kagari ka Gatsibo kubera ko ku Cyome hashobora gushyira ubuzima bwabo n'ibikorwa by'ubucuruzi mu kaga.
We n'itsinda yari ayoboye bakiriwe n'Umuyobozi w'Akarere Bwana Nkusi Christophe n'abandi bagize Komite Nyobozi y'Akarere,  abayobozi b'Inzego z'Umutekano zikorera mu Karere,  Perezida wa IBUKA mu Karere na bamwe mu bajyanama mu Nama Njyanama y'Akarere.

UMUGANDA RUSANGE NGARUKAKWEZI USOZA UKWA WERURWE MU MAFOTO