Itsinda ryaturutse muri Minisiteri ishinzwe Ibikorwa by'Ubutabazi riyobowe n'Umuyobozi Mukuru muri iyi minisiteri Bwana Rukebanuka Adalbert riri mu Karere ka Ngororero aho baje kureba aho aka Karere  kageze mu kwitegura guhangana no gukumira ibiza.
Basanze ubukangurambaga bugeze kure binyuze mu nteko z'abaturage.
Hari command posts zikora umunsi k'uwundi ku rwego rw'Akarere n'imirenge, hateguwe kandi ahantu hatandukanye hakwakira abaturage baramutse bagwiririwe n'ibiza.

DG Rukebanuka:
"Nk'uko byagaragaye mu bushakashatsi n' ikusanyamakuru, 80% by'ibiza biba hagati y'amatariki ya 20/04-10/05. Ayo matariki niyo turimo muri iki gihe.
Bisaba gukora amasaha 24/7 kugira ngo ubuzima bw'abantu n'ibyabo birusheho kubungwabungwa."

Umuyobozi Mukuru muri MINEMA yashimiye uburyo yasanze Akarere ka Ngororero kiteguye guhangana no gukumira ibiza anatanga ubutumwa bwa Minisitiri wa MINEMA bushimira ubuyobozi bw'Akarere ka Ngororero uburyo bahora kiteguye.
Inama yitabiriwe  n'intumwa z'ikigo cy'Igihugu cy'ubutaka, iza WASAC, inzego z'Umutekano, abayobozi b'amashami, Abanyamabanga Nshingwabikorwa b'Imirenge, abakozi bashinzwe ubutaka mu mirenge n'abakozi b'Akarere.
Bakiriwe n'Umuyobozi w'Akarere Bwana NKUSI Christophe ari kumwe n'Umuyobozi w'Inama Njyanama y'Akarere Madame Nyiramasengesho Jeannette, Umuyobozi w'Akarere wungirije ushinzwe imibereho myiza y'abaturage Madame MUKUNDUHIRWE Benjamine.