Kuri uyu wa 12/07/2025 umuyobozi w'Akarere Bwana Nkusi Christophe yitabiriye ibirori byo gutanga ubusaseridoti n'ubudiyakoni  muri Paruwase Gatolika ya Muhororo.
Ni igikorwa cyitabiwe n'abakristu n'ibyiciro by'abayobozi  batandukanye bo muri Paruwase ya Muhororo na Rususa; kiyoborwa na
Nyiricyubahiro Monseigneur MWUMVANEZA Anaclet Umushumba wa Diyosezi Gatolika ya Nyundo. 
Hari kandi
- Nyiricyubahiro Monseigneur Philippe Umushumba wa Diyoseze ya Kilasema yo muri Brésil
- Visi Perezida w'Urukiko rw'Ikirenga  Bwana Alphonse HITIYAREMYE
- Umuyobozi wa Police SP Jean de Dieu NSENGAYIRE
- Umuyobozi w'Inkeragutabara  Major Simon NDAGIJIMANA
- Umuyobozi wa RIB Madame UWAMAHORO Joseline
- Umunyamabanga Nshingwabikorwa w'Umurenge wa Gatumba Madame MWANGAZA Amani
n'abandi bayobozi batandukanye bakorera mu mirenge ya Gatumba, Bwira na Muhororo.

Bakiriwe na Padiri mukuru wa Paruwase ya Muhororo  UFITIMANA Temistocles
Igikorwa cyo gutanga ubusaseridoti n'ubudiyakoni cyaranzwe n'ibi bikurikira:

1. Igitambo cya Misa cyatuwe na Nyiricyubahiro Musenyeri wa Diyoseze ya Nyundo no gutanga Isakaramentu ry'ubusaserodoti ryahawe
- Padiri Nkurikiyimana Jean Pierre wo muri Paroisse ya Rususa
- Padiri Habineza Innocent wo muri Paroisse ya Muhororo
Gutanga ubudiyakoni bwahawe
Diyakoni Nsangiranabose Theophile.
Mu ijambo yagejeje ku mbaga y'abitabiriye ibi birori Meya Nkusi yashimiye ubufatanye buri hagati ya Paruwase ta Muhororo n'Akarere ka Ngororero bugaragarira mu burezi, ubuvuzi, iterambere ry'imibereho myiza y'abaturage n'ibindi.