Kuri uyu wa 10/03/2022 kuri stade y'Akarere ka Ngororero hakozwe inama nyungurana bitekerezo ku kwesa imihigo by'umwihariko umuhigo w'ubwisungane mu kwivuza (MUSA).

Iyi nama yari itumiwemo abayobozi batandukanye kuva ku Isibo , abakuriye amatsinda atandukanye, abahagarariye amadini n'amatorero, PS, abayobozi b'ibigo by'amashuli, abakozi b'umurenge, abajyanama b'ubuzima mu murenge ndetse n'inzego z'umutekano zikorera mu murenge wa Ngororero. Umushyitsi mukuru yari umuyobozi w'Akarere wungirije ushinzwe iterambere ry'imibereho myiza y'abaturage Madamu MUKUNDUHIRWE Benjamine wari uhagarariye ubuyobozi bw'Akarere ka Ngororero hanwe na SP.KAYIHURA James DPC/DPU Ngororero.

Iyi nama yayobowe n'Umunyamabanga nshingwabikorwa w'Umurenge wa Ngororero Bwana MUGISHA Daniel.

Ibyaganiriweho:
1.Umutekano
2. Ibibazo bibangamiye imibereho myiza (Human security issues)
3.MUSA
4.EJO Heza
5. Gucikisha amashuli kw'abana (School drop out)

Nyuma yo kuganira ku ngingo zitandukanye, vice mayor Mukunduhirwe yasangije abitabiriye inama ibyavuye mu rugendo rwo kwigiranaho ku bijyamye no kwesa umuhigo w'ubwisungane mu kwivuza  rwakozwe  mu karere ka Rusizi .
Hafashwe imyanzuro ikurikira:

1.Kuwa kane tariki ya 17/03/2022 hazabaho igikorwa cyo kwishyura muri rusange ubwisungane mu kwivuza; amatsinda yose azatanga imwe mu misanzu y'abanyamuryango.

2.Abayobozi biyemeje kuba bandebereho muri gahunda za Leta hagamijwe kwesa imihigo.

Mu karere ka Ngororero umuhigo wa MUSA ubu uri ku kigero cya 89,01 %.