Kuwa 29/09/2020 kuri Guest  House y'akarere ka Ngororero
k'ubufatanye  bw'Akarere na Ingobyi activity habaye inama nkomatanya nzego mu buzima(DHMT= District Health Management Team)
 Inama  yafunguwe  inayoborwa n' umunyamabanga nshingwabikorwa w'Akarere ka Ngororero Bwana ABIYINGOMA Gerard.

Atangiza inama , yashimiye abayitabiriye ku bufatanye bagaragaza mu gushakira icyateza imbere Akarere mu rwego rw'ubuzima, yagarutse ku ruhare rwa buri wese mu gushakira umuti  ibibazo byo mu bigo by'ubuvuzi hashakwa ingamba zafasha  mu  kuzamura ibipimo by'ubuzima.

Ku murongo w’ibyigwa:
- Kurebera hamwe uko ibipimo by'ubuzima bihagaze mu karere
- Kwemeza itegeganyabikorwa bikorwa ry'umwaka 2020/2021
- Kurebera hamwe ingamba zo kwirinda no gukumira icyorezo cya COVID-19

Nyuma yo  kugezwaho presentation igaragaza uko ibipimo by'ubuzima bihagaze mu karere, habayeho umwanya wo  kungurana ibitekerezo ndetse n'ingamba  ku bipimo biri hasi ugereranyije n'intego igomba kugerwaho ku bipimo bitandukanye;

Abitabiriye inama bamaze kugaragarizwa uko ibipimo by'ubuzima bihagaze mu mirenge itandukanye , biyemeje kurushaho gukora ubukangurambaga bwafasha kuzamura ibipimo.

- Mu rwego rwo kurushaho gukaza ubukangurambaga mu mirenge/Ikigo nderabuzima bwo kwegera abagenerwa bikorwa, hemejwe Ko ibigo nderabuzima byakwegera abajyanama b’Ubuzima  mu mudugudu bibutswa inshingano zabo mu gushishikariza abaturage kugana ibigo by'ubuvuzi bityo nabo bakagira uruhare mu kuzamura ibipimo by'ubuzima birimo kwipimisha ku mubyeyi utwite, kuringaniza urubyaro, kurwanya imirire mibi, kubyarira kwa muganga ,...
 Ku ngingo irebana no kwemeza  iteganyabikorwa rya DHMT, nyuma yo  kurebera hamwe ibikorwa biteganyijwe hatanzwe ibitekerezo bityo iremezwa;

- Mu kurushaho kwirinda Koronavirusi, abitabiriye inama basabwe gukomeza gufatanya mu gukumira ikwirakwizwa ry’icyorezo cya Koronavirusi, hagenzurwa ko amabwiriza yashyizweho yubahirizwa;

Asoza inama, Umunyamabanga Nshingwabikorwa yashimiye abitabiriye inama  ku  bitekerezo byubaka  ndetse n’imyanzuro byatanzwe, asaba ko  buri wese yabishyira mu bikorwa.

Abitabiriye inama: Abayobozi bakuru b'ibitaro, Umuyobozi w'Ishami ry'ubuzima, Umuyobozi w'Ishami ry'igenamigambi , Umukozi ushinzwe iterambere ry'ubuzima no kwirinda indwara mu karere, Umuyobozi wa Farumasi y'Akarere, Umuyobozi wa RSSB /Ishami rya Ngororero, ukuriye commission sociale/JADF, uhagarariye abaforomo, uhagarariye Farumasi zigenga, uhagarariye abajyanama b'ubuzima, uhagarariye Postes  de sante.