Mu Karere ka Ngororero habaye igikorwa cyo gukurikirana ishyirwa mu bikorwa ry’imishinga y’Ikigega cy’iterambere Pro-Poor Basket Development Funds. Iki gikorwa cyakozwe n'itsinda ry'abaterankunga barimo Agence Française de Developpement ihagarariwe n'umuyobozi w’ubufatanye Bwana Arthur GERMOND, uhagarariye GIZ Bwana Philbert, Umuyobozi wa gahunda muri BRAC International Madamu Diane UMUTONI. Izi ntumwa zari ziyobowe na Maurice NSABIBARUTA, Division manager muri LODA. Bakiriwe n’Umuyobozi w’Akarere ka Ngororero Bwana Christophe NKUSI ari kumwe n’umuyobozi na Division Manager and Corporate Services Bwana Jean Luc NDAYIKENGURUKIYE, abakozi b’Akarere ndetse n’abagize komite ishinzwe guhangana n'imihindagurikire y’ikirere. Igikorwa cyaranzwe n'ibi bikurikira: 

- Kureba film documentaire ku mpinduka zigaragara mu bigo nderabuziama bya Nyange B (mu murenge wa Nyange) na Ntobwe (mu murenge wa Ndaro);

- Gusura icyogogo cy'umugezi wa Satinsyi ukunze guhitana abantu n'ibintu mu gihe cy'ibiza biterwa n'imvura nyinshi. Aha bahahuriye na komite zishinzwe guhangana n'imihindagurikire y’ikirere ku rwego rw'Utugari n'Umurenge wa Kageyo baganira ku ngaruka z’imihindagurikire y’ikirere mu baturage ndetse n’uruhare rwa komite zishinzwe kurwanya imihindagurikire y'ikirere kugira ngo abaturage barusheho guhangana n’izo ngaruka. Izi komite zasobanuye uburyo zikora aho abagabo, abagore n'urubyiruko bavuze ku mikorere n'imikoranire n'abaturage. Umukozi wa BRAC, umwe mu mishinga ishyira mu bikorwa gahunda z'Ikigega Pro-Poor Basket Development Funds arashima imikoranire n'Akarere ka Ngororero n'aho umushinga ugeze mu kubonera ibisubizo bimwe mu bibazo byugarije abagenerwabikorwa harimo ibijyanye n'imihindagurikire y'ikirere.

 - Gusura umushinga wo gusana no kwagura ikigo nderabuzima cya Ntobwe mu Murenge wa Ndaro. Itsinda ryishimiye aho ishyirwa mu bikorwa ry'umushinga rigeze.