tsinda ry'abantu 10 ryaturutse mu Kigo cy'Igihugu cy'Ibarurishamibare riyobowe na Bwana Dusenge Patrick bari mu Karere ka Ngororero aho bari gusuzuma uburyo imihigo y'umwaka wa 2024-2025 yashyize mu bikorwa.
Hifashishijwe filimi mbarankuru (documentary film) Umuyobozi w'Akarere Bwana NKUSI Christophe yagaragaje ishusho y'uko Akarere kashyize mu bikorwa iriya mihigo.
Muri uyu mwaka w'ingengo y'imari wa 2024-2025 Akarere ka Ngororero kari gafite imihigo 126 irimo 40 y'Ubukungu, 66 ijyanye n'imibereho myiza na 20 yerekeye imiyoborere myiza.
Muri yo 117 yashyizwe mu bikorwa 100% naho icyenda isigaye yashyizwe mu bikorwa mu kigero kiri hagati ya 75% na 99%.
Umuyobozi w'Akarere yagaragaje imbogamizi Akarere kadashobora gukontorora zatumye iyi mihigo 9 idashyirwa mu bikorwa 100%: ibiza n'ingaruka zatewe n'imihindagurikire y'ikirere.

Kuri uyu wa mbere tariki ya 28/07/2025 abasuzuma imihigo bagabanye imirenge itandukanye.

imibare igaragaza intambwe yatewe mu iterambere:

Mu mwaka w'ingengo y'imari wa 2017/2018 igipimo cy'ubukene cyari kuri 47,7%; muri uyu mwaka wa 2024/2025 kigeze kuri 30,21% naho muri 2028/2029 kizaba kigeze kuri 20%; abaturage bari bafite amashanyarazi bari 23,7%, ubu bageze kuri 67,97%, muri 2028/2029 bazaba ari 100%; abari bafite amazi meza bari 40%, ubu ni 82,78%, muri 2028/2029 bazaba ari 100%; gutura mu mudugudu bari 43%, ubu bageze kuri 60,81% naho muri 2028/2029 bazaba ari 70%; abatunze telefone bari 69%, ubu ni 82,78% muri 2028/2029 bazaba bageze kuri 95%; abana bagwingiye bari 36%, ubu ni 21,7%, muri 2028/2029 bazaba ari 15% (ibipimo by'ubugwingire byavuye muri raporo ya MCH Week yo muri 2025).

Ibindi bikorwa n'ingengo y'imari byatwaye:

- Umushinga wo gukwirakwiza ingufu z'amashanayarazi mu mirenge ugeze kuri 95% uzatwara anagana na 23,253,393,246 frws;

- Umushinga w'imiyoboro y'amazi ifite uburebure bwa 169,3 km waruzuye 100% utwaye angana na 7,568,680,500 frws;

-Ibiraro byo mu kirere (Sodoma, Rusenyi, Munyegera)

- Phase ya 1 yo kuvugurura no kwagura Ikigo nderabuzima cya Nyange A mu murenge wa Nyange  yararangiye itwaye 192,430,000 frws. Ifite abagenerwabikorwa 21,720 barimo ab'igitsina gore 53,5% n'ab'igitsina gabo 46,5%

- Phase ya 1 yo kuvugurura no kwagura Ikigo nderabuzima cya Ntobwe mu murenge wa Ndaro yararangiye itwaye 551,359,9098 frws. Ifite abayigana 27,252  barimo ab'igitsina gore 53.5% n'ab'igitsina gabo 46,5%)

- Ikigo nderabuziama cya Gasiza mu murenge wa Muhanda cyuzuye gitwaye 148,000,000

Iki gikorwa cyitabiriwe n'Umuyobozi w'Inama Njyanama y'Akarere Madamu Nyiramasengesho Jeannette ari kumwe n'abandi bagize Bireau yayo, abagize Komite Nyobozi y'Akarere, bamwe mu bajyanama mu Nama Njyanama y'Akarere, abayobozi b'Inzego z'Umutekano zikorera mu Karere, Abanyamabanga Nshingwabikorwa b'Imirenge  n'abakozi b'Akarere.
Isuzuma rizamara iminsi 4 aho harasuzumwa uko imihigo yashyizwe mu bikorwa mu mashami y'Akarere; nyuma rikazakomereza mu bagenerwabikorwa nyirizina mu mirenge yose.