Kuri uyu wa 28/05/2025, Umuyobozi wungirije ushinzwe iterambere ry’ubukungu mu Karere ka Ngororero, Bwana UWIHOREYE N Patrick, yayoboye inama yateguwe n’ishami ry’ubuhinzi n’umutungo kamere ryakozwe binyuze kuri Webex. Abatumiwe muri iyo nama ni Abanyamabanga Nshingwabikorwa w’Imirenge, abakozi b'Ishami ry'Ubuhinzi n'Ubworozi, abagronomme n'abaveterineri b’Imirenge.

Inama yaganiriye ku ngingo zikurikira:

• Gusesengura gahunda y'ubwishingizi bw'ibihingwa n’amatungo nk'uko bikubiye mu mihigo,
•  Gusura no kwemeza ahantu hazakorerwa ibikorwa bitandukanye mu mushinga wa West Gate Green Initiative.
Muri iyi nama habayeho kungurana ibitekerezo ku ishusho y’ishyirwa mu bikorwa ry’imihigo y’ubuhinzi n’ubworozi mu mwaka w'ingengo y'imari wa 2024-2025. Abitabiriye iyi nama basabwe gukorera hamwe kugira ngo  imihigo isigaye ibe yeshejwe bitarenze 15/06/2025.

Umuyobozi w'Ishami ry'Ubuhinzi n'Ubworozi yatanze ibisobanuro byimbitse ku mihigo ikiri inyuma ndetse n'ibisabwa kugira ngo yeswe ku kigero gishimishije.
Dore ibyemezo byafashwe mu nama:
• Gushyira mu bikorwa  ingamba zigamije kwihutisha ibyo twiyemeje byose;
• Kongera ikoreshwa ry'ifumbire ya Urea kuko abahinzi bagihinga;
• Kongera ubwishingizi bw'ibihingwa kuko abahinzi baracyahinga, urugero ibirayi ;
• Gutegura inama zo guhuza abafatanyabikorwa hagamijwe ubukangurambaga;
• Kongera umubare w'abakozi / abashoramari bafasha gutera intanga  amatungo.