Mu rwego rwo kwizihiza isabukuru y'imyaka 30 u Rwanda rumaze rubohowe;  mu murenge wa Muhanda mu kagari ka Gasiza hatashywe irerero ry'abana, igikoni cyaryo n'ubwiherero byuzuye bifite agaciro ka 24,802,892 frws. 
Iki gikorwa cyaherekejwe no gutunganya umurima w'igikoni no kugaburira abana indyo yuzuye.

Iri rerero ryubatswe mu rwego rw'ukwezi kwahariwe ibikorwa by'inzego z'umutekano (Ingabo na Police)  mu myiteguro yo kwizihiza isabukuru y'imyaka 30 u Rwanda rumaze rubohowe.  
Insanganyamatsiko yagiraga iti: "Dusigasire umutekano wo nkingi y'iterambere, twimakaze isuku, turwanye imirire mibi n'igwingira"
n'igwingira"

Umuhango wo gutaha iri rerero wayobowe n'umuyobozi w'Akarere Bwana Nkusi Christophe wagarutse ku kamaro rifite mu kurwanya imirire mibi n'igwingira, asaba abaturage kuribyaza umusaruro bohereza abana kuharonkera uburere, imyifatire n'ubumenyi kuko rizabsfasha gukangura ubwonko bakiri bato btyo rikabahindurira imibereho.

 Mayor Nkusi yavuze ko iki gikorwa ari  imwe nu mbuto z'imiyoborere myiza "dukesha ubuyobozi bwiza bw'Igihugu cyacu burangajwe imbere n'Intore izirusha intambwe Nyakubahwa Perezida wa Repubulika Paul Kagame"; aboneraho gusaba abaturage kurifata neza.

Umuyobozi w'Akarere yari kumwe na Visi Meya Mukunduhirwe Bejhamine, abayobozi b'inzego z'umutekano,  abaturage n'abayobozi b'umurenge wa Muhanda.