Ku munsi wa 7 ari nawo wanyuma w'uruzinduko rwabo itsinda ry'Abadepite mu Nteko Ishinga Amategeko rigizwe na lMUZANA Alice, UMUTESI Liliane na ICYITEGETSE Venuste riyobowe na Hon Depite Muzana Alice basuye imirenge ya Ndaro na Nyange. Itsinda ryakoreye mu murenge wa Ndaro bari baherekejwe n'Umuyobozi w'Akarere Bwana Nkusi Christophe naho mu murenge wa Nyange bari kumwe n'Umujyanama wa Komite Nyobozi y'Akarere Bwana Mutwarangabo Innocent.

Babanje kugirana inama n'abavuga rikumvikana ku  mitangire ya services hifashishijwe ikoranabuhanga, gusura aho izo services zitangirwa mu biro bitandukanye no kuvugana n'abagenerwabikorwa.

Inama yari itumiwemo:
- Njyanama y'Umurenge;
- Abakozi b'umurenge n'utugali;
- Inzego z'umutekano;
- Abayobozi b'ibigo; nderabuzima;
- Abayobozi b'ibigo by'amashuri;
- Abahagarariye Inama y'Igihugu y'Abagore n'iy'Urubyiruko;
-  Urubyiruko rw'abakoranabushake,
- Uhagarariye ihuriro ry'amadini n'amatorero
- Uhagarariye abunzi.

Nyuma yo kubonana n'ibyiciro byari byatumiwe, intumwa za rubanda zagiye guhura n'abaturage mu nteko zabo zisanzwe ziba buri wa kabiri w'icyumweru.  Baganiriye ku ngingo zikurikira:
- Kurwanya ingengabitekerezo ya Jenoside;
- Kwirinda amakimbirane yo mu ngo;
- Ubufatanye mu kwicungira umutekano;
- Ubumwe n'Ubudaheranwa bw'Abanyarwanda;
- Umuryango ushoboye kandi utekanye;
- Gukunda umurimo n'Igihugu no gusigasira ibyagezweho;
- Gahunda ya BYIKORERE.

Nyuma  habaye  umwanya  w'ibitekerezo n'ibyifuzo. Ibibazo byahawe umurongo ibitabonewe ibisubizo abadepite bazabikorera ubuvugizi.