Ku munsi wa 6 w'uruzinduko rwabo itsinda ry'Abadepite mu Nteko Ishinga Amategeko rigizwe na lMUZANA Alice, UMUTESI Liliane na ICYITEGETSE Venuste riyobowe na Hon Depite Muzana Alice basuye imirenge wa Kageyo na Sovu.

 Itsinda ryakoreye mu murenge wa Kageyo bari baherekejwe n'Umuyobozi w'Akarere wungirije ushinzwe iterambere ry'imibereho myiza y'abaturage Madame MUKUNDUHIRWE Benjamine naho mu murenge wa Sovu bari kumwe n'Umujyanama wa Komite Nyobozi y'Akarere Bwana Mutwarangabo Innocent. 

Babanje kugirana inama n'abavuga rikumvikana ku mitangire ya services hifashishijwe ikoranabuhanga, gusura aho izo services zitangirwa mu biro bitandukanye no kuvugana n'abagenerwabikorwa. Inama yari itumiwemo: 

- Njyanama y'Umurenge;

 - Abakozi b'umurenge n'utugali;

 - Inzego z'umutekano; 

- Abayobozi b'ibigo; nderabuzima;

 - Abayobozi b'ibigo by'amashuri; 

-CNF, CNJ;

 - Urubyiruko rw'abakoranabushake,

 - Uhagarariye ihuriro ry'amadini n'amatorero 

- Uhagarariye abunzi. 

Nyuma yo kubonana n'ibyiciro byari byatumiwe, intumwa za rubanda zagiye guhura n'abaturage baganira ku ngingo zikurikira:

 - Kurwanya ingengabitekerezo ya Jenoside; 

- Kwirinda amakimbirane yo mu ngo; 

- Ubufatanye mu kwicungira umutekano;

 - Ubumwe n'Ubudaheranwa bw'Abanyarwanda;

 - Umuryango ushoboye kandi utekanye; 

- Gukunda umurimo n'Igihugu no gusigasira ibyagezweho;

 - Gahunda ya BYIKORERE. 

Nyuma hatanzwe umwanya w'ibibazo bihabwa umurongo ibitabonewe ibisubizo abadepite bazabikorera ubuvugizi.